Pages

Thursday, December 31, 2009

البحث عن اشياء اخرى

جلست ارتب اوراقى و اعيد ترتيب المجلات و الكتب التى كانت موضوعة تحت الوسادة ,كعادتى احب القراءة فى اى شىء قبل النوم..ربما تكون عادة قديمة لكنها محببة الىً. واثناء عملية الترتيب وإعادة قراءة سريعة لعناويين الكتب فقط لمعرفة ما إذا كنت قراءتة ..وجدت دفتر صغير كنت ادون فية بعض من مذكراتى او كلماتى فى الغالب عندما كنت اختلف فى الراى مع والدى او بعض العتاب الذى كنت اوجة الى اللة...نعم كنت اعتاب ربى ..واذكرة بوعودة التى جاءت على لسان الانبياء وكتبت فى الكتب السماوية...احيانا بسسبب الضيقات التى تمر بنا على مدار اليوم..كنت اكتب الية..واقول لة" لماذا انا امر بتلك الامور الصعبة وفى الوقت نفسة ارى إناس اخرون لايمر عليهم وقت ضيق؟
كنت اكتب مناجاة لربى اقول لة فيها: لماذا تتأخر فى وقت الضيق واشعر انك بعيد وانى اقف لوحدى فى تلك الدنيا؟
لماذا تترك قلبى حزين وانت فاحص القلوب وتعرف ما افكر فية قبل ان يخطر فى بالى؟
وجدت نفسى اقراة ما كتبتة من سنوات..وادركت ان ساعات الضيق قربتنى من اللة!!نعم فكل مناجاتى معة كانت شكوى من ضيق او غضب من موقف صعب...ادركت انك يارب قريب لمن يدعوك...فقط تريدنا ان نقول يــــــــــــــــــــا رب..انها كلمة ان جاءت من القلب .تجد ان الغضب والكرب يزولان.
ولكننا نشغل قلوبنا وعقولنا بأشياء اخرى..انشغلنا عنك لكنك كنت نتظر ان تسمعنا نناديك لتستجيب الدعاء
فإجعل قلبى قبل لسانى يناديك. وان ابحث عنك ..تاركين البحث عن الاشياء الاخرى

Monday, December 21, 2009

قلب الصفحات

ما اجمل السفر بين القلوب...ترمى بها شواطى الحياة ولا تدرى متى ينتهى بك المطاف, فقط اغمض عنيك لترى ما فى الافق البعيد حين تختلط السماء الصافية مع مياة البحر الزرقاء
حين ترى الرمال تحمل بين حباتها اثار اقدام قد خطت عليها من سنين...تروى قصص حب ..نغم الماضى وشوق الحاضر
هنا تسمع اصوات الموج معلنة,يوما ما سوف تجىء معذبتى تنادى
تجلس على رمالى ولكنها لن تحفر مكانها لانها قد رحلت الى الابد
سوف تتذكرها الرمال ..لكن الموج سوف يغسل خطواتها التى كلما تضاعفت على الشاطىء
كلما جائت الاعاصير والامواج غاضبة من جميلة تتمايل لها الاشجار. يالها من ايام عندما تركت شعرها يغرق فى رائحة البحر...غسلت ارجلها ونامت
ونادى عليها حبيبها
فقامت ونزلت الية...ارتمت بين احضانة
لقد كان هو الاخر يعشق السفر فى القلوب..وراح يقلب الصفحات واحدة تلو الاخرى...
ترى من تكون الصفحة القادمة؟ وقفت يداة عن تقليب الصفحات وراح يذكر الصفحة الوحيدة التى كلما حاول ان يقلبها..كلماعجزت يداة عن ذلك
لكنك لابد وان تفعل ذلك يوما ما
..

Wednesday, December 16, 2009

القاضى والجلاد

..كن نفسك..انت ولا احد غيرك وان كان ذلك لا يرضى الناس جميعا فقط ارضى حياتك انت فالحياة هانعشها مرة واحدة ومافيش ملحق تانى..لو فشلت فى انك ترضى الناس حتى اقرب الناس ليك!! ماتزعلشى عشان دة عادى جدا...عادى لان الاختلاف دة سمة من السمات اللى ربنا خلقنا فينا..زبس احنا ماتعودناش نقبل الاختلاف...اختلاف يعنى انت مش بتسمع الكلام.وعايزة الناس تقول علينا اية؟؟؟ الناس دايما بتكون القاضى والجلاد.ورغم ان احنا بنادى بالتغيير وقبول الاخر الا ان النظرية صح بس التطبيق غلط...المهم ان فى النهاية لازم تتحمل نتيجة الاختلاف دة ..ساعات بنراجع انفسنا..بنلاقى ان الافضل هو اللى احنا مقتنعيين بة..وقادريبن على تحمل النتائج.

Wednesday, November 25, 2009

القاتل الصامت


كم تمر الساعات بطيئة حين نتظر لقاء من نحب
والصعب ليس هو انك لا تطيق المسافات التى تفصلك عنهم
بل هو الانتظار....القاتل الصامت
يكسر بكل قوتة فى دقات قلب ضعيف
كم ارهقة الشوق والحنين
كم اشقاة البرد والظلام
فكل يوم فى بعادكم كالاف عام
وكل ليلة فى انتظار رؤيتكم
كسماء حالكة خلت من النجوم
ياليت من يبيت فى ليليتى يضىء
شمعةقداشعلتها الدموع
التى سقطت من جراءالاحتراق
بالنار

Friday, November 20, 2009

غابرييل غارسيا ماركيز يودع قراءه

غابرييل غارسيا ماركيز يودع قراءه


آخر مقالة كتبها وهو على فراش الموت:

لو شاء الله أن ينسى أنني دمية، وأن يهبني شيئاً من حياة أخرى، فإنني سوف استثمرها بكل قواي.

ربما لن أقول كل ما أفكر به، لكنني حتماً سأفكر في كل ما سأقوله. سأمنح الأشياء قيمتها، لا لما تمثله بل لما تعنيه. سأنام قليلاً، وأحلم كثيراً، مدركاً أن كل لحظة نغلق فيها أعيننا تعني خسارة ستين ثانية من النور. سوف أسير فيما يتوقف الآخرون، وسأصحو فيما الكل نيام.

لو شاء ربي أن يهبني حياة أخرى، فسأرتدي ملابس بسيطة وأستلقي على الأرض، ليس فقط عاري الجسد وإنما عاري الروح أيضاً. سأبرهن للناس كم يخطئون عندما يعتقدون أنهم لن يكونوا عشاقاً متى شاخوا، دون أن يدروا أنهم يشيخون إذا توقفوا عن العشق.

للطفل سوف أعطي الأجنحة، لكنني سوف أدعه يتعلم التحليق وحده. وللكهول سأعلمهم أن الموت لا يأتي مع الشيخوخة بل بفعل النسيان.

لقد تعلمت منكم الكثير أيها البشر ... تعلمت أن الجميع يريد أن يعيش في قمة الجبل، غير مدركين أن سر السعادة تكمن في تسلقه

تعلمت أن المولود الجديد حين يشد على إصبع أبيه للمرة الأولى فذلك يعني أنه أمسك بها إلى الأبد

تعلمت أن الإنسان يحق له أن ينظر من فوق إلى الآخر فقط حين يجب أن يساعده على الوقوف

تعلمت منكم أشياء كثيرة! لكن، قلة منها ستفيدني، لأنها عندما ستوضب في حقيبتي أكون أودع الحياة.

قل دائماً ما تشعر به، وافعل ما تفكر فيه. لو كنت أعرف أنها المرأة الأخيرة التي سأراك فيها نائمة لكنت ضممتك بشدة بين ذراعي ولتضرعت إلى الله أن يجعلني حارساً لروحك.
لو كنت أعرف أنها الدقائق الأخيرة التي أراك فيها، لقلت "أحبك" ولتجاهلت، بخجل، أنك تعرفين ذلك.
هناك دوماً يوم الغد، والحياة تمنحنا الفرصة لنفعل الأفضل، لكن لو أنني مخطئ وهذا يومي الأخير، أحب أن أقول كم أحبك، وأنني لن أنساك أبداً. لأن الغد ليس مضموناً لا للشاب ولا للمسن.

ربما تكون في هذا اليوم المرة الأخيرة التي ترى فيها أولئك الذين تحبهم. فلا تنتظر أكثر، تصرف اليوم لأن الغد قد لا يأتي ولا بد أن تندم على اليوم الذي لم تجد فيه الوقت من أجل ابتسامة، أو عناق، أو قبلة، أو أنك كنت مشغولاً كي لا ترسل لهم أمنية أخيرة.

حافظ بقربك على من تحب، إهمس في أذنهم أنك بحاجة إليهم، أحببهم واعتني بهم، وخذ ما يكفي من الوقت لتقول لهم عبارات مثل: أفهمك، سامحني، من فضلك، شكراً، وكل كلمات الحب التي تعرفها.
لن يذكرك أحد من أجل ما تضمر من أفكار، فاطلب من الرب القوة والحكمة للتعبير عنها. وبرهن لأصدقائك ولأحبائك كم هم مهمون لديك.
غابرييل غارسيا ماركيز

صديقى ...اعدك

شخص إلا منه مضى لي معه يوم أندم على ايام مضت قبل
ما القاه
احتاج له عندما يملىء صدرى الهموم
ولو ينكسر ساقي تسندني
يمينة....هذا الرفيق اللي من الصعب تنساه
صديقي ,,
أرجــوك ..
كون بقربي ’’
كــون ظلي حين أبحـث عنـك ~
ومرئـآتي حين أفتش عن قلبـاً ..
يأويني ~
أعــدك ’,
أن انحت ذكريـآتنــا على جدرآن دربي ,,
ولن أطفئ الشمعه التي اضـآئت حيـآتنـآ ..
أعــدك’’
أن اكــون كـآلطير يرفرف حول قلبك .. لتكوني كمـآ أنتي ..
أروع صديق فـآح عبيرهـ من حـولي .. لتعيش ورودي على يديك
لنبقى اصدقاء
لنعاند الجفاء..
حتى تبقى القصائد بلون ضحكاتنا
وتبقى الكلمات عاشقة لحوارنا
ولا يكون الصمت محورا لحديثنا
لنبقى اصدقاء
مهما صار..
حتى لا نمارس الخيانه لذكرياتنا مع النسيان
وتبقى احاسيسنا مشتعله للعيان
ولا يكون الهروب من الماضي بدايه الزمان
لنبقى اصدقاء
اوفياء..
حتى نتذكر اسماءنا عند اللقاء
وتبقى قلوبنا عامرة بالصفاء
ولا يكون يتجرع من الفراق كشرب ماء
لنبقى اصدقاء
في لحظات الفراق..
حتى تصبح ايامنا الماضيه راااائعه فريده
وتبقى ذكرياتنا خالده مجيدة
وتكون اوجاع ماضينا قوافيها سعيده
لنبقى اصدقاء
بعد الفراق..
حتى نتذكر بعضنا بحنين
وتبقى دموعنا بلا انين
ولا يكون موعد انفصالنا لسنين
لنبقى اصدقاء
لآخر العمر
حتى لا تشوه سنوات عمرنا
وتبقى ايامنا خاليه من عار فراقنا..
لنبقى اصدقاء
حتى بعد رحيلي..
لتقولي يوما بسلام وداعــآ

Saturday, November 14, 2009

مصر التى فى الماتشات

كل مرة بيكون فيها ماتش بين الفريق القومى المصرى و اى فريق فى العالم. مصر كلها بتتحول الى نادى كبير بيشجع وبس وبتختلف عبارات التشجيع حسب الموضة اللى ماشية!! يعنى دلوقتى بتنهال علينا الاغانى الوطنية الخفيفية اللى المطرب او المطربة بيغنى لمصر فى كلمات جميلة زى كاظم الساهر لما بيغنى لبغداد!!دة طبعا غير الاعلام اللى فى كل مكان وكأن بنفتكر مصر بس وقت الماتشات!!
بحلم باليوم اللى فية روح مصر الماتشات فى كل حياتنا..ولا يمكن دة حلم بعيد شوية لان مشجعى الكورة مش ممكن يكونوا مشجعى المبادرات المجتمعية مثلا!!

Thursday, November 12, 2009

مسافر على بساط الريح...


فكرة السفراصبحت من الصعوبات التى تواجة المسافر اللى كان جوايا. فانا بحب السفر والانتقال من مكان الى اخر بس المهم بالنسبة لى هى وسيلة السفر المناسبة. والامان الى حد ما!!بس فى الفترة الاخيرة اصبح الفكرة تواجة مشكلات مع قانون المرور اللى فية الدفع او الحبس ...امبارح كنت فى امسية جميلة فى ادارة المرور اللى على طريق 6 اكتوبر. عشان كنت فى مكيروباص والسواق رخصتة مسحوبة و ماشى بالايصال!!طيب لما احنا بنسمح بان السواق لما رخصتة تنسحب انة برضوة يسوق..طيب لية بيدفع غرامة انة رخصتة مسحوبة؟؟؟؟؟؟؟؟؟؟؟
يعنى ممكن اللى رخصتة تنسحب ..خلاص يستنى جنبها او يقعد فى البيت لحد ماترجع لة تانى...حتى الشوارع تفضى شوية مش كدة ولا اية؟؟...

Wednesday, September 23, 2009

التنوع والاختلاف

بعض المصطلحات اصبحت موضة فى تللك الايام وبعد التعددية و الازدواجيةوغيرها ..نجد كلمتين و فى الغالب متلازمتين "التنوع والاختلاف" بالمفهوم البسيط هو اختلاف الاذواق و تنوع السلع ودة على مستوى الاسواق وحركة البيع و الشراء. لكن الاختلاف والتنوع بردوا فى البنى ادميين ...ممكن تكون مختلف عن اللى ماشى جنبك فى الشارع او اللى ساكن معاك فى نفس البيت و دة بدورة بيخلق جو من التنوع والاختلاف ... قد يكون فى الشكل الخارجى بالاضافة الى طريقة التفكير وهكذا...ومن هنا اصبحت النسبية هى سيدة الموقف...فتلاقى اللى لابس الوان غريبة جتب اللى لابس اسود وابيض..وعليهم اللى مش لابس اصلا,دة طبعا غير الشعر والحركات واصبح الاختلاف فى مصر هو اختلاف الشكل و بعض العقائد فقط لاغير.
وبقى مجتمعنا مسطح لدرجة فاقت التخيل..نحكم على المظهر من الدرجة الاولى و بعدها تاتى بعض التفاصيل اللى بنعتبرها شكليات لا تمثل شيئا. واصبح الاختلاف و التنوع فقط للالوان و الاطوال ...وماذا عن التنوع و الاختلاف بالمفهوم الحقيقى اللى ممكن من خلالهم يكون فى منافسة و طريقة موضوعية فى الحكم على الاشياء.
ويبقى السؤال هل نحن على استعداد لقبول التنوع والاختلاف بعيدا عن نظرية التسطيح؟؟ ...

Friday, September 4, 2009

اتعلمون السبب

لماذا خُلقت حواء و ادام نائم؟؟
يُقال إن الرجل حين يتألم يكره،ولا ينسى طيلة عمرة هذا الالم بعكس المرأة التي حين تتألم تزداد عاطفةً و حباً !!...
فلو خٌلقت حواء من آدم وهو مستيقظ لشعر بألم خروجها من ضلعه و كرهها ...بفرض انة بيحبها موت طبعا،
لكنها خُلقت منه و هو نائم .. حتى لا يشعر بالألم فلا يكرهها..
بينما المرأة تلد و هي مستيقظة ، و ترى الموت أمامها
لكنها تزداد عاطفة .. و تحب مولودها ؟؟ بل تفديه بحياتها ...
لنعدْ إلى آدم و حواء ..
خُلقت حواء من ضلعٍ أعوج ، من ذاك الضلع الذي يحمي القلب ..والسبب ؟؟

لأن الله خلقها لتحمي القلب .. هذه هي مهنة حواء .. حماية القلوب ..
فخُلقت من المكان الذي ستتعامل معه

بينما آدم خُلق من تراب لأنه سيتعامل مع الأرض ..
سيكون مزارعاً و بنّاءً و حدّاداً و نجاراً ..
لكن المرأة ستتعامل مع العاطفة .. مع القلب .. ستكون أماً حنوناً
.. وأختاً رحيماً .. و بنتاً عطوفاً ... و زوجةً وفية .. .. ..

الضلع الذي خُلقت منه حواء أعوج !!!!

يُثبت الطب الحديث أنه لولا ذاك الضلع لكانت أخف ضربة على القلب سببت نزيفاً ،
فخلق الله ذاك الضلع ليحمي القلب .. ثم جعله أعوجاً ليحمي القلب من الجهة الثانية ..
فلو لم يكن أعوجاً لكانت أهون ضربة سببت نزيفاً يؤدي – حتماً – إلى الموت

لذا ...
على حواء أن تفتخر بأنها خُلقت من ضلعٍ أعوج ..!!
و على آدم أن لا يُحاول إصلاح ذاك الاعوجاج
إن حاول الرجل إصلاح ذاك الاعوجاج كسرها ..
و يقصد بالاعوجاج هي العاطفة عند المرأة التي تغلب عاطفة الرجل ...

فيا ادم لا تسخر من عاطفة حواء ...فهي خُلقت هكذا ..
و هي جميلةٌ هكذا ..
و أنتَ تحتاج إليها هكذا ..
فروعتها في عاطفتها ..
فلا تتلاعب بمشاعرها

و يا حواء،لا تخجلى كونكِ عاطفية..فذاك كمالكِ ومنتهى روعتك...

فلا تحزني.....

Thursday, September 3, 2009

من يملك نفسة


حياتنا مليانة بكل غريب...واكتر حاجة غريبة هى علاقتنا بنفسنا
سكة السفر ممكن تكون جوانا وكتير قوى بحس بكدة ..انى عايزة اسافر مع نفسى!!
المهم انى كل مرة بيحاول اعمل فيها كدة ..بيكون اقرب الناس لى ضد الفكرة ...بالاضافة ان ايقاع الحياة ..بيسرق احلى اللحظات اللى ممكن فيها الانسان يلاقى نفسة.وفى الوقت اللى ممكن تلاقى فية الانسان اللى بتتمنى تكمل معاة سكة السفر بيكون الطريق مختلف ونفضل فى دايرة من الصراع بين النفس و الواقع
فى مجتمعنا بعانى من الازدواجية فى المعايير و الشخصية
بعتقد من خلال خبرتى مع ثقافات تانية..مافيش اى مجتمع بيعانى افرادة من الازدواجية زى المجتمعات العربية. للاسف احد اسباب ضياع النفس هو الخليط الغريب المحييط بينا فى المجتمع
وتبقى المركب فى اتتظار من يحرك الدفة...فى نهر ذابت فية كل القيم لتخلق نوع جديد من الثوابت ..ان تعيش بها او تموت الى الابد

Tuesday, September 1, 2009

فنحـــــــــــــــــمل حقائبــــــــــــــــنا

أحيانا تجبرنا الحياة على الرحيل فلا نستطيع الانتظار أكثر فنحمل حقائبنا في رحلة بحث جديدة ويبقى الأمل رغم كل الجراح وتبقى القلوب خير دليل على الحب الصادق
رغم كل الكلمات التي تجرح في لحظات الرحيل ما أجمل أن نحب بصدق وما أقسى أن نودع الحب بالرغم من أنه يسكن في أحشاء القلب وبالرغم من قسوة
الحبيب إلا أنه يبقى الحبيب ويبقى الشوق يسيطر على كل عواطفنا إن حرفي هو الذي تمرد علي فأرغمني الرحيل عن عواطفي ولا أخفيك فإنه من قال لي رحلة بلا عودة لأفقد أنا بعد ذلك الأمل الذي بداخلي وأنسى ما بداخلي من ألم فلو جلست بين رحلتي وعودتي إليه فلن أغلق مظــلتي

لأتمتع بسطوع شمس أمل جديد..فحينها لن أعرف كيف أفرق بين قسوة الإبداع وقسوة الظرف ...ولحظات أمر بها التفكير بين عقلي وقلبي ليس له حدود...
وحين أريد أن أكتب مايدور يضيع الحرف ويختفي القلم وتنطوي الصفحات فأعيش بين حرارة الإنتظار وألـــم الصمــت وحيرة التفكــــــير

ويبقى فى قلبى العنوان...مرسوم كما رسم زهر المرجان...يوم تعود من بعد الترحال ..يوم تضيق الدنيا بالايام وتحاول ايًديك الامساك بالدقائق و الثوان

سوف تجد باب تدقة...وقلب يفتح لك..سوف تجد كتف تبكى علية..وشخص تثق فية

سوف تجدنى...ارسم حروف اسمك بالنور واشعل مصباح المنزل ليصبح نهار وسط ليلك الحالك

سوف تجدنى ....اجمع شتات قلبك..اصب الخمر و الزيت على جروحك...اسقيك اللبن اللمزوج بالعسل والتمور

ومع الصباح واول شعاع نور تختفى الاهات وتفتح عينيك ...وسوف تظل انت من تسكن احشاء القلب

Saturday, August 29, 2009

ولا عـــــــــــــزاء .....


لمدة اربعة اعوام وانا من رواد مكتبة المعهدالبريطانى بالقاهرة, الفكرة بدأت بعد ما انتهيت من دراستى فى كلية التربية الفنية وبدأت رحلة العمل اللى طبعا كانت مختلفة تمام عن مجال دراستى اللى انا بحبة و كنت شاطرة فية قوى قوى ...وقررت ان الفن يكون هواية و ليست مهنة عشان انت اكيد فى مصر. المهم ولانى من سكان الاقاليم..وكمان بدات اشتغل فى هذا الاقليم !!كان لازم ادور على خيط يربطنى بالمدنيةو يقربنى من فرصة حضورى لمعارض و الاحداث الفنية.البداية كانت فى الجامعة الامريكية و استمرت لمدة سنة .وفى الاثناء دى بدأت رحلتة مع مكتبة المعهد البريطانى..ونشات بينى و بينها علاقة جميلة جدا..المكان المناسب انى اشوف العالم الكبير من مجموعات لكتب كتير و شرايط ومواد علمية وكمان الانترنيت. وفرصة الاحتكاك بثقافات مختلفة...وعلى فكرة انا اول مرة دفعت فيها قيمة عضوية المكتبة كنت استلفت الفلوس عشان كنت بنزل القاهرة مرة واحدة بس فى الاجازة الاسبوعية بتاعتى....وفضلت العلاقة مستقرة لحد ما جاء اليوم الغريب اللى انا دخلت فية المكتبة و لقيت فى اعلان غريب عن حق الاعضاء فى استرداد المتبقى من قيمة العضوية!!!!سالت المسئولة اللى فى المكتبة ..هو انتوا بتغيروا فى نظام المكتبة ولا اية؟؟ ردت وقالت لا..احنا ها نغلق المكتبة!! قلت لها ..شوية الصيانة بتوع كل سنة دول؟؟ قالت ..لا هانغلق خالص!!!قلتلها لية..قالت اصل احنا عملنا بحث ولقينا ان اعداد المترددين على المكتبة قليلة فوى فا هنتبرع بالكتب للمكتبات العامة !! واخر يوم للمكتبة هو 20 اغسطس عشان تاخدى اللى باقى من فلوسك!! طيب ما تغيروا من انشطة المكتبة ..اقصد نشوف اية اللى ممكن يتعمل بس بلاش الغلق دة!! قالت لى و بكل هدوء شايفة الصندوق اللى هناك دة...دة صندوق المقترحات اكتبى فية اللى انت عايزة تقولية...ادارة المركز يهمها تعرف راى الناس اية.
مشيت لحد الصندوق وسحب ورقة وكتب عليها..مش فاكرة قلت اية..بس اللى انا فاكراها هى صورة المكتبة و الكتب ..ةالصالة الكبيرة اللى فيها الاستقبال و على اليمين فى قسم اللغات و على الشمال تطلع ثلاث سلالم و تدخل الصالة بتاعت الكمبيوتر و منها على اليمين قسم الكتب الادارية ونظم المعلومات و على الشمال القسم الادبى والقصص وعلى طول تنزل درجتين هتلاقى صالة القراءة فيها كراسة وترابيزات. اما الكتب المتنوعة فا هتلاقيها من بعد الاستقبال تمشى على طول وبردوا فيها كراسى بكل الالوان وممكن تسمع ميوزك فى الصالة دى كمان...لوعايز كوفى اوشاى هايكون على ايدك الشمال من بعد صالة الاستقبال. عايزة اعتذر لادارة المركز عن الجهد اللى بذلوة فى اضافة اللمسة الثقافية دى واقول لهم نحن شعب غاب عن عينية الطريق وعجز قلبة عن قراءة الكلمات..نحن شعب بسيط مسطح يكتفى بقراءة الحبر على الصفحات...نحن شعب المجلات الملونة و اخبار الفنانين و الفنانات
..وابكى المكتبة بجدرانها التى كانت مليئة ....اصبحت هاوية لا يسكنها الا اصداء الاصوات

Tuesday, August 25, 2009

شعب مافيش اخوة فى الدنيا كلها

كنت مسافرة النهاردة وكنت بينى وبين نفسى بفكر فى بداية فكرةالكتابةوالتدوين وازاى بدات سكة السفر....باةةةةة فات حوالى اكتر من سنتين وكل يوم بيضيف عندى خبرات و مواقف كتيرة يمكن انا مش شاطرة قوى فى الكتابة ..بس بكتب اللى بحس بية من غير تجويد وإضافات تزيد المعنى توضيحا و تأكيدا!!! ووسط الجو اللى انا كنت سرحانة فية فى الطريق و عمالة اراجع مع نفسى الكتابات و الحكايات ...وبدأت المواجع ..اقصد العذابات السمعية..ايوة اصل فى فى انواع كتير من العذابات اللى بتكون مصاحبة للمواصلات العامة..منها مرئى..سمعى واحيانا مصحوبة بالروائح...المهم كان فى ثلاثة شباب ابتدوا يتكلموا بصوت عالى جدا فى حكايات عادية مش حاجات خاصة بس اللى كان مش عادى هى طبقات الصوت اللى كانت بدل على حمورية عالية جدا جدا. الغريب ان الوقت رمضان وكل سنة وانتوا طيبين والمفروض الواحد يبقى هادى و عاقل بس مش عارفة ازاى الواحد يكون صايم و عندة الطاقة الجامدة دى على الكلام المتواصل لمدة ساعتين!!!المهم قلت بقى انا لازم احمى ودانى من العذابات والحمدللة كانت معايااسماعات الموبيل وحسيت انى كنت فعلا على حق لما قلت عايزة اشترى موبيل و يكون فى مساحة كبيرة اقدر احط عليها اغانى اسماعها وانا مسافرة...يا سلام الحمد للة على نعمة السماعات. وفى خيالى صورة عن المواصلات العامة فى دول تانى اقل منا واللى بيتقال ان الشعب المصرى شعب مافيش اخوة فى الدنيا كلها ... حاسة ان المجتمع بقى كل شوية فى النازل و الاخلاق بتختفى فى مهب الريح..رياح من التخلف والغباء واللامبالاة..احنا فين من العالم اللى حوالينا..بعيد قوى

Friday, August 7, 2009

ذكر امْ انثى


قال لها ألا تلاحظين أن الكـون ذكـراً ؟ فقالت له بلى لاحظت أن الكينونة أنثى
قال لها ألم تدركي بأن النـور ذكـرا ً ؟ فقالت له بل أدركت أن الشمس أنثـى !
قـال لهـا أو ليـس الكـرم ذكــرا ً ؟ فقالت له نعم ولكـن الكرامـة أنثـى !
قال لها ألا يعجبـك أن الشِعـر ذكـرا ً؟ فقالت له وأعجبني أكثر أن المشاعر أنثى!
قال لها هل تعلميـن أن العلـم ذكـرا ً؟ فقالت له إنني أعرف أن المعرفة أنثـى!
فأخذ نفسـا ً عميقـا ًوهو مغمض عينيه ثم.....
عاد ونظر إليها بصمت……لـلــحــظــات
وبـعـد ذلك.....
قال لها سمعت أحدهم يقول أن الخيانة أنثى.
فقالت له ورأيت أحدهم يكتب أن الغدر ذكرا.
قال لها ولكنهم يقولون أن الخديعـة أنثـى.
فقالت له بل هن يقلـن أن الكـذب ذكـرا ً
قال لها هناك من أكّد لـي أن الحماقـة أنثـى ….فقالت له وهنا من أثبت لي أن الغباء ذكـرا
قـال لهـا أنـا أظـن أن الجريمـةأنـثـى فقالـت لـه وأنـا أجـزم أن الإثـم ذكـرا ً
قـال لهـا أنـا تعلمـت أن البشاعـة أنثـى فقالـت لـه وأنـا أدركـت أن القبـح ذكرا
تنحنح ثم أخذ كأس الماء..........
فشربه كله دفعة واحـدة………..أما هـي فخافـت عنـد
إمساكه بالكأس مما جعلها………..ابتسمت ما أن رأته يشرب
وعندما رآها تبتسم له
قال لها يبدو أنك محقة فالطبيعة أنثـى….فقالت له وأنت قد أصبت فالجمال ذكـراً
قـال لهـا لا بـل السـعـادة أنـثـى……..فقالت له ربمـا ولـكن الحـب ذكـرا
قال لها وأنا أعترف بأن التضحية أنثـى……فقالت له وأنا أقر بأن الصفـح ذكـرا
قال لها ولكنني على ثقة بأن الدنيا أنثى….فقالت له وأنا على يقين بأن القلب ذكرا
ولا زال الجـدل قائمـا ً……وسيبقى الحوار مستمرا ً طــالــمــا أن .
الـسـؤال ذكـــرا ً…..والإجـابـة أنـثــى
فمن برأيكم سوف ينتصر على الآخر ؟ياليت من يقرؤنى يدرك
ان وجودنا فى الحياة..متلازم
وإن لم تكن انت ..لم اكن انا
وإن لم اكن انا ..لم تكن انت

Wednesday, July 22, 2009

أم العُريف وابو العُريف

انك تعرف شىءعن كل شىء ..احسن ولا انك تعرف كل شىءعن شىء؟؟ سؤال مُحير
احنا المصرين بنحب قوى نعرف كل حاجةواية... كمان نتكلم فى كل حاجة بمعنى تانى
احنا بينطبق علينا النصف الاول من السؤال ..كلة بعرف كل حاجة وكدة
وعندنا كم كبير من الامثال اللى بتخلينا نعيش وهم الافضل ..
تلاقى واحد بيقول "احنا بنفهم فى الكفت" واللة مش عارفى اية تعريف الكفت دة ؟؟
اسال مجرب ولا تسال طبيب ..طبعا احنا بنعرف فى كل حاجة
اللى نعرفة احسن من اللى مانعرفوش..ياسيدى طبعا
انا مش ضد المعرفة اللى ممكن تفيد زى... اعرف لغة عدوك..لكن فى مجتمعنا عَيل اسمة "الُعريف"كل بيعرف و بيفتى و يوصف ..ولومرة سألت 10 فى الشارع على عنوان معين 1 منهم هو اللى هايقول معرفش. و8 هايحولو يقولولك وصفات غريبة واتنين ممكن يكونوا صح بس ياوصلت للمكان اللى عايزة يا ماوصلتش..انت وحظك!!!
والاجمل من دة ان ممكن تكون الوصفات فى ماهو مصيرى ومتعلق بحياة الناس من علاج او اختيار شريك الحياة..اختيارات كتيرة ممكن المشورة فيها تؤدى الى مصيبة كبرى

Thursday, July 9, 2009

تمت والرخص مسحوبة وعليها مشاكل

على مدار نصف ساعة كانت تلك الكلمات تتردد على لسان احد ركاب الميكروباص "تمت والرخص مسحوبةوعليها مشاكل" والمكان كان فى ميدان الجيزة اللى يعتبر مسرح مفتوح بتحصل علية حاجات غريبة. اخرها كان النهاردة لما اتسحبت رخص العربية اللى ركبت فيها والسواق جرى وراءالظابط عشان يشوف الرخصة!!وياسلام... الجو كان حر موووووووووت والناس زهئانة فى العربية ...وفيهم اللى نزل يقف جنب العربية واللى فكر يروح يركب عربية تانية...واغلب اللى مسافرين لما بيشوفوا عربية راكنة بيفتكروها بتحمل و لسة فيها اماكن ..وكل واحد يعدى يسأل الركاب "فى اماكن؟؟" و يجى الرد ...لا مافيش!!وفضل الحال كدة تقريباطول ما احنا واقفين.. نفس السؤال وبنفس الاجابة!!! والراجل كرر الاجابة فوق العشرين مرة لحد اخر مرة لما رد علية واحد من الركاب فى شكل كوميدى.."كدة وقفت حال العروس".. وكأن اللى بيسأل عن مكان فى العربيةزى اللى جاى يطلب ايد واحدة للجواز!!وكل ما حد يجى ابوها يقول معندناش بنات للجواز..
كل الركاب ضحكوا على التعليق وافتكرت خفة دم المصرين وانهم من كتر الهموم اتعلموا يضحكوا فى وقت الحزن ويبكوا فى وقت الفرح

Friday, July 3, 2009

ان تُلوح مودعاً لاشياء لا تتمنى توديعها يوماً

مواقف كتير بتمر علينا بنكون فيها مجبورين على قبول طريق معين ..هو طريق الفراق وخلينا نكون بنتكلم بشكل اوضح..هو انك تكون مرتبط بشخص ما... هو كل حياتك ,محور اهتمامك ..ياةةةة محور اهتمامك ..انك تفقد محور اهتمامك والعكس انك تفقد احساسك بأنك محور اهتمام شخص تانى ..احساس مش بنقدر قيمتة الا بعد ما بنفقدة!!ياترى فى كام محور اهتمام فى حياتك؟؟؟وهل انت محور اهتمام حد تانى؟؟انت رقم كام فى حياة الاخرين؟؟
بنفضل فى كل نجاح يمر علينا نفتكر انسان مش موجود فى حياتنا بس نتمنى لو يشاركنا اللحظات دى فى كل طريق مشيت فية معاة اكيد بدور على ملامح وشة فية...غريبة مش كدة...وبيكون فى جوانا سؤال ..هو لو كان هنا كان ها يكون رد فعلوة اية؟ وبتهمس بينك و بينك نفسك ..اكيد عايش و حياتك ماشية كويس عشان هو انسان يستاهل كل خير وبتمنى لو تشوف عينية و تسلم علية
وغريبة و انت معاة كنت بدور على سعادتك برة حضنة و بعد الفراق بتدور علية و مش لاقى سعادتك غير معاة وبتنمى لو تكلمة و تقولة ان من بعد اخر مرة اتقابلتوا و حياتك بقيت زى التمثلية..بس من غير نهاية..لازم تعيشها وتكمل ودمع عنيك محبوس
وتقولة..لو وقت الفراق ممكن يكون بميعاد ..كان اهون من انى لازم اسلم و امشى دلوقتى فى وقت من غير معياد..لازم تقول سلام ...

Friday, June 26, 2009

إحنـــــــــــــــــا وهمـــــــــــــــــــا

من ضمن الحاجات اللى دايما بتظهر فيها ازدواجية الشخصية المصرية...ودى حاجة واضحة وضوح الشمس.هى ازدواجية المعايير و الحكم على الاشياءسواء بنعرف فيها او لا,بالاضافة الى ان مصر فيها 80 مليون مفتى..عشان كلنا بنعرف كل حاجة ونقدر ننقد ونلوم على الناس كلها ونتهم بالباطل و عادى كل دى بقت عادات عندنا فى مجتمعنا اللى بقى عامل زى ما يكون مستشفى امراض نفسية كبيرة بس من غير سور . بالرغم ان لو ان الناس دول كل واحد ركز فى نفسة و بدأ يطور فى ذاتة و شغلة اكيد اكيد هانكون افضل .بدل النقد الهدام و النظر للاخرين على انهم غلط واحنا بس اصحاب القيم و المبادىء..لكن دة مش صحيح و كل يوم بنتاكد من ان المجتمع المصرى بيفقد هويتة وبتنهار اما المادة والازدواجية. لو كل واحد بطل يبص على غيرة ووفر الوقت دة واستغلة لصالح نفسة..اكيد هانكون افضل. الاغلبية منا اتربى على ان الاجانب دول منحلين و منحرفين و ان احنا صح و مجتمعنا مليان بالقيم و الاخلاق. وكل ما اتقدم العمروزادات المعارف كنت بقارن احناوهماودايما كانت نتيجة المقارنة مش فى صالحنا ..وخلينى اتكلم عن نفطة الخلاف الاولى و هى مشاركة الراجل و المرأة لبيت واحد بدون جواز !!هما عندهم المجتمع متعارف على كدة و احنا عندنا عيب ..احنا عندنا اخلاق ...يعنى ممكن يكون الزواج العرفى فى المدارس والجامعات ..حل رسمى وموثق. كلة تمام كدة .هما عندهم قانون واضح ليس لة علاقة بالدين و نصوصة بيحق للزوجة عند الطلاق انها تحصل على نصف ممتلكات الزوج وممكن يكون فى سلبيات اكيد للنص دة. لكن احنا لازم تتبهدل فى المحاكم وتشوف الذل من اهل بيتها فى الاول و من المجتمع فى التالى...وتبقى مطلقة..لا عيب الناس تاكل وشنا من الفضيحة..وهكذا ياترى لسة بنقول ان احنا افضل من منهم؟؟ اكيد كل ثقافة فيها مميزات و عيوب..لكن من العيب ان نفضل نتباهى بحضارة 7000 سنة ومجتمعنا بيتأخر كل يوم سنة

Monday, June 22, 2009

تايهين ولا تافهيين؟؟؟

كان عندى النهارة اجتماع بدرى قوى غير العادى ..ولقيت زميلى اللى مكتبة قصاد المكتب بتاعى داخل و بوزة تلاتة شبر قدام..قلت اكيد فى حاجة حصلت فى شغلة وهو متوتر من ان الاجتماع دة حد يوجة لة كلام ..." صباح الخير" قالها و هو هموم الدنيا كلها فوق دماغة..."قلت لة اية فية اية؟؟فى حاجة حصلت ؟؟ " رد على وقال " هو فى اية اسوء من اللى احنا فية!!! قلت يا لـــــــــــهوى فى مصيبة حصلت فى المكتب او فى وزارة التعاون الدولى او شئون الاجانب اللى احنا تابعيين ليها..قلتلة قولى فية اية بجد؟؟؟ بصلى كدة فى استغراب !!!اية....انت اية ما اتفرتجيش على الماتش امبارح؟؟..ماتش ..ايوة مصر و امريكا ..قولت لة لا للاسف بس عرفت ان احنا خسرنا رغم ان فريق امريكا مش احسن منا ولا حاجة ..وبعدين قولت لة هو انت اللى عامل فيك كدة الماتش!!!! رد على بكل تأكيد طبعا انت مش متخيلة امبارح انا من الزعل مانمتش لحد الفجر ما طلع بصيت لة و قولتلة..يعنى انت اللى عامل فيك كدة هو الماتش؟؟؟ مش ممكن..انت بتتكلم بجد!!قالى انتى مش متخيلة انا رحت حجزت التذاكر و بعدين اخدت مراتى و رحت وانا واثق ان احنا هانجيب مش اقل تلات اربع اجوان فيهم حاجة كدة يعنى..يا بنتى دة البلد لكلها نامت مكسورة امبارح...حزينة ..
المهم جة ميعاد الاجتماع و خلصنا الحمدللة على خير بدون خسائر مادية او فى الاروح!!!وكل ما ابص فى ملامح زميلى اللى شايل الدنيا كلها فوق دماغة ..استغرب جدا..
ولما رجعنا لقيتة لسة مبوز...قولت لة على فكرة حياتنا فيها مصاعب و مشاكل ومسؤوليات اكتر بكتير من هزيمتنا فى ماتش كورة طبعا هو فضل يدافع عن الكورة كرياضة و لعبة شعبية بس انا ماكنتش شايفة قدامى غير صورة شعب غريب ...مين الناس دول اللى ممكن ينكدوا على حياتهم عشان خسارة ..مع احترامى لكل الالعاب اللى فى الدنيا كلها...بس مش منطقى ان نشيل الهم عشان خسارة فى ماتش وعلى الناحية التانية...اطفال مرمية فى الشارع مش لاقية تاكل و ناس بتنسرق اعضاء جسمها فى المستشفيات اللى تحت السلم ..وناس بيتهتك عرضها فى الشارع ولا حد شعرة من بتتحرك!!!يـــــــــو دة مجتمعنا مليان على الاخر...والسئوال هو اية ؟ احنا ميين ؟بنى ادميين؟ احنا بقينا تافهيين و لا تايهيين...ولحد امتى؟؟ الملامح دى بتاعت ناس عايشيين و مش عايشين!!

Tuesday, June 16, 2009

مُفترق الطرق

فى بعض الاحيان و انت مسافر بتلاقى نفسك فى مفترق الطرق..وهنا لازم تفكر شوية .... انت هاتمشى فى اى اتجاة؟؟..يعنى احنا اللى بنختار الاتجاة..ومرات بيكون السير فى الطريق اجبارى فى !! وانت لازم تقرر ... الاجبارى ولا الاختيارى وفى الحالتين بتكون مسؤوول عن سكة السفر و اما عن الصاحب فااختيار البشر بيكون اصعب بكتير من الحجر ..لان الطريق فى خطوات ومسافات اما البشر..صعب انك تعرف معيار الرضا و القبول عندهم ...
كم مرة سالت نفسك و انت فى مفترق الطرق..اية اللى انت اختارتة ولية؟؟ ولو كان بأدينا نرجع لنقطة البداية ..كانت هاتكون ازاى النهاية
كم مرة اتمنيت تكون حياتك زى شريط الكاست ...تقدم وتأخر و كمان تسرع و تبطىء
كم مرة سألت نفسك ..مين اللى ساب علامة فى سكة السفر...مين اللى نور ظلمات الرحلة و مين اللى سرق النور من قدامك.
ولو سبت نفسك لكل عابر فى الطريق انة يشاركك سكتك ويشدك لطريق السير الاجبارى..ممكن تكون الاجابات قاسية و غير محتملة..انت كنت كدة من الاول بس ماكنتش شايف حقيقة نفسك..انت هاتفضل طول عمرك فى السير الاجبارى اختيارى

Wednesday, June 10, 2009

الحذر لا يمنع القدر

بعد ان تم الاعلان عن حالات الاصابة بفيرس اتش وان (الخنازير سابقا) والموجودة بالمبنى السكنى التابع للجامعة الامريكية يالزمالك وبدات الاضطرابات المصرية الناتجة من عدم المعرفة الكافى الى جانب الاعلام و دورة فى القاء الاضواء على الحدث و من ناحية اخرى تصريحات وزير الصحة وماننساش الثقة المتبادلة بين الشعب المصرى و جميع التصريحات الصادرة من السادة المسئولين. الجميل فى الموضوع انى من شباك شغلى بشوف المبنى بتاع الجامعةواصوات عربيات الشرطة و الاسعاف وفعلينا بينى وبين المبنى دة شارع واحد بس فا طبعا كل الناس فى الزمالك اغلبهم لابسين الكمامات وفكرنى المشهد دة بفيرس سارس اللى ظهر من حوالى 8 سنوات فى اليابان.
زميل لى النهاردة والدة طبيب وصاة انة لازم يوزع الكمامات دى على زمايلة ويلبسها وهو فى الزمالك!!!!طبعا شكرتة و اخذت الكمامة وحطيتها فى الشنطة و انا من الناس اللى بتقول من لم يمت بالسيف مات بغيرة ...يعنى انا هاعمل اللى على من الاحتياطات الازمة...بس عندى يقين ان الاصابة بالفيرس مالهاش علاقة بأنى موجودة فى الزمالك ...ممكن تكون فى اى مكان لان
الحذر لا يمنع القدر
. الكوميدى فى الموضوع هو ان النهاردة و انا مروحلة مع صحبتى و السايس بتاع الجراج بيديها مفتاح العربية ..بيقولها اية" يا استاذة خلو بالكوا دول النهاردة لقيوا حالتين فى كلية التربية الفنية و كانوا بنات ..اصلة الفيروس دة بيجى للبنات ..واللة" انا وزملتى بصينا لبعض وفضلنا نتضحك لدرجة العياط بجد مش لاقية كلام اقولة

Tuesday, June 2, 2009

اُكنس بيتك ورشوا ...متَعرفيش مين هايخشو

عندنا شوية امثال شعبية بجد مالهاش حل بتعكس كل مرة حالة من اللى بيعيشها المجتمع المصرى و احنا بقى دلوقتى فى مرحلة الغفلة....يعنى اية ؟؟ حسب المثل دة احنا كان بتنا منعكش و عادى مستحملين النعكشة اللى فية واللى مكسر و اللى واقع ...هكذا من الحاجات دة بتاعت البيوت بس فاجأ جة رب البيت و قال ..ياولاد.. "نعم يا بابا" جايلنا ضيف ... يلا بقى عايزين ننظف ...ونزوق البيت عشان دة ضيف اول مرة يخش بتنا ....ضيف امريكانى لاننج...ومن هنا بدأ الكلام ...قامت الدنيا و العيال بدأوا ينظفوا فى البيت و الى اخرة من اعمال التنظيف اللى الرجالة بيهربوا منها و بيسيبوا البيت عشانها يوم التنظيف !!! ودة اصبح حال قاهرة المعز منذ ان تم الاعلان عن زيارة اوباما و خطابة للعالم الاسلامى ...يعنى لو كنا نظفنا البيت زى الناس الحلوة كل اسبوع اوضةكدة ع الماشى..مش كنا بقينا دلوقتى بنعمل شوية رتوش و بنحط الورد والزرع و بنروش الرمل . ياترى الدنيا بتقول علينا اية؟؟؟ ولا بلاش السؤال دة اجابتة مش علينا !!دة على سنة رابعة
http://www.masrawy.com/News/Egypt/Politics/2009/june/1/ubamavisit.aspx

Saturday, May 30, 2009

سقط القناع

القصة دى حصلت مع حد قريب من اصحابى...هى اتعرفت على شاب بيشتغل فى احدى شركات البترول ..و هى بينت جميلة و مؤدبة وبتشتغل فى مكان كويس جدا . المهم اتكلموا مع بعض ومجرد اتنين بيتعرفوا على بعض لكن رغم ان فية كل المواصفات اللى بتتمناها كل بنت الا ان صحبتى كانت دايما بتقولى انها مش مرتاحة لة و تصرفاتة مش مريحة فيها شئ من الغموض يعنى مثلا معاة اربع خطوط موبيل!!!بيشغل واحد ويقفل التلاتة و هكذا...يكلمها بالساعات و بعدين يغيب بالاسبوع !!!كلها حاجات مش متوقعة من شخص محترم لح دلوقتى...ونت دايما بنصح صحبتى بانها تكون حذرة معاة لحد ما تتطمن لة لان غياب عامل الثقة بين اى اتنين حتى لو مش مرتبطين ببعض بيخلى الانسان متوتر و مش عارف يروح فى اى اتجاة. و فاجأة لقيت صحبتى بتكلمى و بتقولى ان فية مصيبة ..قلتلها اية...قالتى انة كان بيكلمها وبعدين الخط قطع ولما كلمتة رد عليها بسرعة و كان مرتبك ..وسمعت صوت طفل صغير بيصرخ جنبة..وسألتة اية دة صوت مين دة؟؟انتوا عندكم اطفال صغرين؟ مردش عليها!!وسألتة تانى..فراح قلها انا هاكلمك بعدين..و فى الاثناء دى كان فى صوت بينادى علية والصوت دة صوت ست!! طبعا الى حد ما الصورة اللى كانت غامضة بيقت مكشوفة...البية طلع متجوز ..وعندة طفل صغير..وارقام الموبيلات الكتيرة دى عشان يختفى بعد كل مرة بيعرف فيها واحدة على مراتة...وانقطاعة الكتير كان بيكون فى اجازة من شغلة ورجوعة الى بيتة وعشان كدة ماكنش بيتكلم البيت..الاغرب انة فات شهر و بعدين كلم صحبتى تانى وعادى جدا كان مافيش حاجة حصلت..و فضل يألف انة كان مشغول مع صاحبة اللى ابوة غصبوا على الجواز من بنت عمة عشان الورث مايروحشى برة العيلة!!وان صاحبة دة تعبان قوى فى الجوازة دى...الى اخرة من القصص اللى هو شاطر فى تألفها. من غير ما نتدخل فى حياة الناس الشخصية...اية الخلل اللى حصل فى مجتمنا دة..اية اساليب النصب و الخيانة دى..ازاى واحد يعيش فى الحياة الاجتماعية بشكل تانى و يرسم صورة خياليةعشان يكلم بيها البنات ..عشان يرضى رغبتة فى انة راجل ممكن يكون محط اعجاب كل يوم بيسقط القناع من على وجة البنى ادمين ..لدرجة ان من كتر الاتقان ممكن ماتعرفش اذا كان دة قناع ولا ملامح حقيقية.

اوباما اوباما الفرح جانــــــــــــا

المشعد الاول: الطريق من الزمالك لميدان الجيزة و دة طريق معروف انما الجديد النهاردة ان عند مديرية امن الجيزة الطريق اخد شكل دانى و لقيت فى ظباط المرور واقفين و الركاب بدأوا يسالوا فية اية يااسطى هى الدنيا واقفة كدة لية؟؟؟ فى الاول قلنا دى اكيد لجنة مرور وبعد شوية جاء الجواب الشافى الوافى...مافيش عربيات ميكروباص هاتعدى من هنا !!!لية ياباشا هو فية اية؟ اصل الجامعة بتتسلم لحراسة ....عشان اجراءات الامن اللازمة لخطاب اوباما .....طيب الحمدللة انها جات على اد كدة واحنا هانمشى من هنا امتى؟؟ محدش عارف واللة !! انا بقول نمشى على رجلينا احسن دى حتى نعمة ربنا انعم علينا بيها !!شارع ميدان الجيزة بقى شكلة مختلف تماما ..اية دة حسيت انى ماشية فى الشانزليزية مع انى مارحتش باريس قبل كدة بس شوفتعا فى الصور..عايزة اقولة شكرا يا اوبامــــــــــــــــــــــــــــا خلتنى اشوف الشانزلزية بجد
المشهد التانى : بفكر اخد اجازة اليومين اللى الجايين عشان الدنيا مقلوبة دة الحوار اللى كان بينى و بين زميلى فى المكتب ولان مديرتى ايطالية ماكنتش مدركة اية علاقة خطاب اوباما بالاجازة و افتكرت انى عايزة اقعد فى البيت عشان اسمع الخطاب دة .....مسكينة قوى..قلتلها لا انا عيزة اخد اجازة عشان الدنيا كلها من شوارع وداخل و مخارج هاتكون واقفة على رجل ودة هايخلى اللى عايز ينزل من بيتة و يروح شغلة يفكر 1000 مرة قبل ما يعمل كدة. الست برضوا مش فاهمة طيب لية هما ممكن يعملوا شاشات عرض كبيرة فى ميدان الجيزة و قدام باب الجامعة الرئيسى و الناس كلها تشوف الخطاب ..زى بابا الفاتيكان كدة لما بيكلم الناس فى ايطاليا. مش بقوللكم مسكينة قوى الست الايطالية دة.
قلتلها انا مش بتكلم على الزحمة اللى الناس هاتعمملها انا بتكلم على الامن اللى هايحاصر كل الشوارع و يقفل الدنيا عشان يأمن الجامعة و وصول الرئيس الامريكى و اللى معاة و كمان خروجهم بعد الخطاب بالسلامة. لقيت فى عنيها سؤال..... بس قبل ما تسألة قلت لها ماشى كدة انا بقى اجازة يوم الخميس ..

Friday, May 29, 2009

وعدى العمر

سؤال كتير اوى من الناس دايما بتسئلة...هو الانسان مُصير ولا مٌخير؟؟؟ والاجابة نسبية.. يعنى .. فيةاللى بيقول ان احنا مٌصيريين وفية اللى بيقول ان احنا مُخيريين. وحتى الاختيارات اللى الانسان بيختارها بنفسة و يعنيها تماما...سواء كانت صح او غلط, نسبى طبعا بنلاقى ان بنحصد نتيجة الاختيارات دى..والحصاد هنا مهم جدا لان الاحصاد دة هو السلم اللى بنطلع علية للخطة اللى بعد كدة. جميل قوى لما نشوف نفسنا فى عيون الناس من حوالينا...حلو قوى لما الدنيا تدينا فرص كانت حلم بيعيد زى نجزم السما...اكيد اختيارنا لاستغلال الفرصة هايكون خطوة فى طريق الحياة.

Friday, May 22, 2009

حرية السجن

مع انى لوحدى بس حسيت انى غريبة فى المكان اللى انا مولودة فية!!!ودة من اية؟....تاهت منى الكلمات وحتى اللمحات اللى بتفكرنى بالشخصيات بالرغم من مايو ....بس حسيت بالبرد من جوة العظم ....بالرغم من الشمس اللى نورها مالى السما و مغطى السحاب ..بس حسيت بالظلام والعتمة سدة الباب..بالرغم من ان الفخ انكسر والعصفور فرش جناحة على القباب الا انى لسة بيحن للقضبان ..والمثل هنا بيقول القط بيحب خناقة...معقول ...دة كلام امثال ..لا دى الحقيقة اللى لازم نشوفها برغم كل الحريات لسة طاير مسجون بيسأل معقول انا شايف السما وبشم الهوا ..طيب لية ؟ طيب لية مش حاسس الحرية و الفرحة اللى مشيت لها مسافات
سمعت الرد من جواى صوت مش عارف بيقول حاجة ..استنوا عايز اسمعنى...بيقولى انت خرجت للنور لكن لسة قلبك جواة الف سور و سور..معلش يا مسكين كلها يومين و تبقى تمام ولو محتاج دواء انا عندى المفيد ..سوكك على قلبك وانساة يعنى هو عملك اية؟
سافر بلاد بعيدة و افرش جناحك فى السمااطلع لفوق واوعى تبص لورا..

Tuesday, May 19, 2009

كام مرة اغمضت عينيك؟؟



يحكى أنه ذات يوم ترك رجل زوجته وأولاده قاصداً أرض معركة على أطراف البلاد، وبعد انتهاء الحرب وأثناء طريق العودة علم الرجل أن زوجته مرضت بالجدري في غيابه فتشوه وجهها كثيراً جراء ذلك ..
تلقى الرجل الخبر بصمت وحزن عميقينِ ...
وفي اليوم التالي وجدوه رفاقه مغمض العينين، فرثوا لحاله وعلموا حينها أنه لم يعد يبصر فارافقوه إلى منزله، وأكمل بعد ذلكَ حياته مع زوجته وأولاده بشكل طبيعي ..
وبعد ما يقارب خمسةَ عشر سنة توفيت زوجته ... وحينها تفاجأ كل من حوله بأنه عاد مبصراً بشكلٍ طبيعي ..
وأدركوا أنه أغمض عينيه طيلة تلك الفترة كي لا يجرح مشاعر زوجتِه عند رؤيتُه لها ....
تلك الإغماضة لم تكن من أجل الوقوف على صورة جميلة للزوجة ... وبالتالي تثبيتها في الذاكرة والاتكاء عليها كلما لزم الأمر، لكنها من المحافظة على سلامة العلاقة الزوجية حتى لو كلف ذلك أن نعمي عيوننا لفترة طويلة خاصة بعد نقصان عنصر الجمال المادي ذاك المَعبر المفروض إلى الجمال الروحي.
ربما تكون تلكَ القصة من النوادر أو حتى من محض الخيال, لكن...
هل منا من أغمض عينه قليلاً عن عيوب الآخرين وأخطائهم كي لا يجرح مشاعرهم ؟؟

Saturday, May 16, 2009

طاير يا اسعاف تانى مرة

النهاردة بالصدفة عديت فى شارع البحر الاعظم وهناك طبعا اليافطة الاسطورة اللى مكتوب عليها الاسعاف الطائر و النهرى ....بس النهاردةكان فى جمهور من العاملين بالاسعاف و كانوا عاملين مظاهرة ....لية يا جماعة ياطيرين و يا مبلبطين فى المية بخاصية الاسعاف الطائر العايم.... ..المجموعة دى للاسف وضعها مش احسن من الاسعاف اللى شغالين فية ..طاير و حاير ..بمعنى مالهمش عقود عمل ولا اجر شهرى ثابت !!!!يعنى فى الهوا سوا المعروف ان نظام الرواتب فى قانون العمل شهرى او بالقطعة او نسبة فى الارباح ...انما ينفع الناس تقبض مرتبها كل 55 يوم غريبة مش كدة...مش غريبةولية 55؟ يمكن عشان فيلم 55 اسعاف ؟؟ لو فى اتفاق بين العمال دول والوزارة...بس مافيش اتفاق احنا الكلمة عندنا شرف.. وعمار يامصر يا ارض العجب

Saturday, May 2, 2009

بدون تعليق


واضح ومش محتاجة ولا كلمة ....واللة بحبك يا بلدى بس ارض من غير ناس بيت من غير وطن ..عرفت لية احنا بنتأخر ودول كتير بتقدم...عايزة اقول " بلدنا بتتأخر بينا" مع الاعتذار طبعا للتقدميين

انفلونزا لمين المرة الجاية؟



كلنا عارفين الحوار اللى مُحتل الصفحة الاولى فى كل الاخبار و الجرايد وبرامج التلفزيون " انفلوانزا الخنازير"...الناس فى مصر كلها والعالم بتتكلم علية ومخبيش حتى ان صديق كان مسافر ولما رجع كلمنى بيسلم عليا واثناء مكالمة التلفيون دى بردوا اتكلمنا على القصة دى!! والموضوع دة خلانى افتكر سنة 2006 وتحديدا شهر فبراير اول ماحصلت قصة انفلونزا الطيور, وصورة المزارع اللى اتحرقت لسة فكراها ,نفس الحوار بتاع الناس اللى خافت على الطيور اللى عندها وبقوا يخبوها تحت السرير ويهربوها من فوق سطوح البيوت!! ونفس السيناريو دة حاصل دلوقتى. سمعنا ان الحكومة عايزة تعدم او بالفعل اعدمت الخنازير بعد قرار مجلس الشعب بالاجماع على كدة. ولكن بردوا سمعنا ان الناس كانت بتهرب الخنازير من بلد لتانى بلد !!غريبة واللة !! حتى لو ان الخنازير مالهاش ذنب فى اللى بيحصل بس انا مستغربة من رد فعل الناس ..معقول ممكن نموت عشان خايفين على الخنازير او الطيور ..اعتقد ان احنا متميزين عن كل دول العالم بالتضحية دى ...وتحدى بس مش بتاع الغسيل ببرسيل..
ودة لان ناس بلدى عندهم الطير و الحيوان اغلى بكتير من البنى ادام!!ماتعرفوش دة جالهم منين ؟؟ ولية بقيت الحياة رخيصة قدام المادة كدة؟ ولان طبعا مافيش ثقة فى تصريحات الحكومة ومبقناش حاسين بأن وقت الخطر ممكن حكومتنا تخاف علينا ونثق فيها.. بقى كل واحد بيقول يارب نفسى
...كان فى حوار بينى ومع زميلى بيقول" تأثير ذبح الخنازير هايوصل كيلو اللحمة 100 جنية ....معقول يادى المصيبة..واية كمان الخسارة مش بس فى الاكل لكن الناس اللى هاتُصاب هنا فى مصر هايكون العلاج بالواسطة.. من الاخر كدة هايموتوا.. اما اللى هاتُصاب فى الدول الاجنبية هاتتعالج !!" منظمة الصحة العالمية بتقول محتاجين 100 يوم عشان انتاج المصل واختبارة..ناس بتفهم دة غير ثمنة اللى بقى...
وعشان المصل غالى جدا واحنا الحكومة بتاعتنا هاتعمل اية ..هايشتروا حبة مصل صغيرين يكفى للحبايب والباقى يموت حتى البلد تروق شوية وتبقى فاضية"
المهم اللى حاصل دلوقتى مش غريب كلنا متوقعينة لانة مكتوب فى الكتب السماوية عن نهاية الايام ودلالات قرب يوم القيامة ومنها انتشار الامراض والاوبئة وحروب وان هانسمع عن اخبار مجاعات فى دول العالم كلة .
فكرت بينى وبين نفسى طيب انا زعلانة لية من الموت لانة كدة كدة هايجى..وافتكرت لعبة زمان كانت فى مجلة ميكى.. وهى عبارة عن صفحة مرسوم فيها حوالى 50 حاجة بنستخدمها..والسؤال هو لوانت مسافر ولازم تاخد معاك 5 حاجات نختار اية من الــ50؟؟ يادى الحيرة يا ربى....
وبعدين عشان نخرج من الجو الغامق دة ...عايزة اقول لكم انى خايفة قوى على السمك لحسن يجيلة حاجة هو كمان ..ربنا يستر

Sunday, April 26, 2009

اخــــــــــــــــــــــــــــــــــــــــر الخط


النهاردة يوم غريب..او الغربة بقت جوانا عايشة فينا

بس مستنية الموقف اللى يكشفها وما يداريها عمرك جربت الدموع تحاول تخرج من عنيك

لكن تلاقى الف سور..وسور يقولك الدموع تبان ..خليك جامد كدة

عمرك جربت احساس انك مخنوق ..ولما تحاول تقعد لوحد , تلاقى الناس بتقولك ياعم قاعد لوحد لية

عمرك لقيت روحك تاية منك..واتمنيت تسمع صوت ينادى عليك يفكرك انت مين

صوت واحد بس يعرفك انت فى انهى زمن

انت فين..غريبة ..هو انتوا طافيين النور طيب مش تخلوا بالكم من اللى ميعرفش

فين كوبس النور

السكة عتمة ..والطريق طويل والوحدة بقيت زى ريش النسور..بقينا منها وبقينا بنخاف من النور

يا اللى زمان كنت وسط البشر ودلوقتى ماشى بتخبط فى الحجر

مستنى اية ؟ احنا فى الاخر ..والكل نزل وانت مش نازل

Tuesday, April 21, 2009

الــــــــــــــــــــــــــــــــــــة الزمن




سكة السفر النهاردة كانت سكة سفر مش على طريق عادى .. انما سفر خلال الزمن ..زمن قريب مش بعيد.. لمدة لحظات حسيت انى الزمن وقف بى و الناس مرت من جنبى ..كل حاجة اتغيرت بس انا فضلت زى ما انا فى مكانى.. انا فى اغلب الاحيان بحس انى لسة واقفة فى مكان معين حتى شكلى ما اتغيرش بس دى اول مرة احس فيها ان الناس بترجع للخلف مش بتمشى لاقدام.....من حوالى اسبوعين كدة وانا مسيطر عليا احساس انى فى الة الزمن ...الالة اللى كانت بطلة الافلام الامريكانى ومعناها بإختسار انها جهاز بيستخدم . . عشان يعبر بالزمن للامام او للخلف حسب الاحتياج و اللى مخرج عايزة فى النهاية طبعا . المهم الاحساس اللى مسيطر عليا هو انى عبر بوابة الزمن بعبر بالزمن للخلف ..للقديم يعنى ودة حصللى عشان رحت البلد زيارة عشان موسم الاعياد و كدة ومن ساعتها و انا حاسة انى فى مكان غريب و دة مش عشان ريف او بعيد عن الحضر لالا اطلاقا انا احساسى بالغربة كان مرتبط بتفكير البشر ..وطريقة التعامل مع الحياة و الخبرات اللى بيحكموا بيها .كنت باشوف فى عنيهم سؤال "انتى احسن منا فى اية؟؟ وانتى بتفكرى ازاى كدة و لية؟؟" رغم انى مش متجوزة مثلا ودة طبعا من الكبائر ازاى افضل لحد دلوقتى من غير جواز..بالرغم من كدة كنت باشوف السؤال دة فى عيون الناس..انتى احسن منا فى اية؟؟بالرغم من انك مختلفة بحكم طريقة تفكيرنا لكن احسن !!يعنى هما بسألوا السؤال و بيجاوبوا علية فى نفس الوقت. بس بردوا لسة بيسالوا!!!كنت عايزة اقول انا مقتنعة بفكر معين مش لازم يكون هو الاصح فى المطلق بس انتوا كمان مش لازم تحكموا على الاخرين من منظور فكر معين ثابت الى الابد. بس حسيت انى لو اتكلمت كدة هاكون زى اللى بيتكلم هندى ..هاهاهاهاهاها مع الاعتذار للغة الهندى بمناسبة الهندى عشان البلد دى ليها معزة خاصة عندى...المهم عايزة ارجع ..كل يوم بحاول اتمسك بكل الحاجات اللى بتخلينى عايشة عشان اقدر اقاوم البوابة و ارجع فى الميعاد ..عشان انتوا عارفين لازم ارجع فى ميعاد معين لاحسن اتوة وسط الازمنة المختلفة او افضل هناك ..الفيلم بيقول كدة... اشوفكم فى البوابة اللى جاية

Sunday, April 12, 2009

مش ولاد الشوارع

النهاردة و انا راجعة من سفر طويل جدا..و فى اشارة مرور شارع مراد بالتحديد. جات بنوتة صغيرة ووقفت جنب الشباك و مد ايدها عشان نديها اى حاجة. بصراحة انا بكون محتارة بخصوص الناس اللى بتشحت فى الشارع من ناحية بقول ان فى قاعدة دايما اللى محتاج بجد بتكون نفسة عفيفة ومش ممكن يمد ايدة حتى لو مش لاقى ياكل و من التاحية التانية بقول ممكن تكون ظروف الحياة صعبة عليهم و هى اللى دفعتهم لكدة. بس البنوتة دة طفلة فى عمر 7سنين مش اكتر وهزيلة و حافية و حالتهازفت..بصيت لها قوى وهى اخدت بالها وسألتنى.." اية بتبصى لي كدة لية؟..ادينى جنية" وبصراحة انا عيلت معاها و قولتلها.."وهاتعملى بية اية؟؟ قالت من غير ما تفكر ..هاجيب بة شانتوشت..عشان انا جعانة... و صعب جدا انك ترفض تدى طفلة ايا كانت المبادئ اللى بقول عليها ... وهى بتطلب جنية عشان تاكل. و فكرت معقول يا بلدى فيكى اطفال ممكن تشحت عشان تاكل؟؟؟ ولوكل مصرى مقتدر دفع جنية فى الشهر بلاش نقول فى اليوم تفتكروا ممكن نوكل كام طفل؟؟
ولسة بسأل و انا عارفة ان السؤال لغير اللة مذلة (طبعا فى مصر بيكون مذلة المذلة)..... معقول فى بلد كبيرة ولها حضارة ..الخ...
مافيش فى خطة الحكومة بتاعتها بند للحد من مشكلة الاطفال المعرضين للخطر .. واسمحوا لى اقول عليهم معرضين للخطر لانى مش هاقدر اقول اولاد الشوارع .. دول مش نتاج الشارع دول بنى ادمين ولاد ناس ..ولهم حق طبيعى فى البلد اللى عايشين فيها. بس الفرق هو ان خطة الحكومة بتستهدف ناس غيرهم مش اكتر.وعجبى

Saturday, April 4, 2009

نقطة الرجوع

كنت ماشية النهاردة بالعربية و قابلت واحدة صحبتى من زمان ياةةةة" ازيك ..عاملة اية ؟؟ " "واحشتينى انتى فين يا بنتى؟؟" تعالى اوصلك انت رايحة فين ؟.. مروحة البيت ...اهنا اخر الشارع.. " اية دة انتى غيرتى شقتك ولا اية ؟" ....لا لا انا عايشة مع ماما بعد ما اطلقت..." بصيت لها بأستغراب !! اطلقتى!! لية يا بنتى اية الللى حصل ؟ ابدا ما استريحناش مع بعض .. "ايوة بس انتوا اتجوزتوا عن حب و قصص كدة...اية كلام فى كلام!! ردت و قالت " ابدا واللة احنا لسة بنحب بعض بس هو عايزنى اسيب الشغل رغم انة عارف من البداية انى بشتغل وبحب شغلى..بس ماعرفش اية اللى غيرة كدة.. المهم القصة اتطورت و طلبت الانفصال و طلقنى"... "طيب و انتى عاملة اية دلوقتى؟؟" قالت حاجة غريبة جدا ..رغم انها مروشة و انا عارفة ان ممكن يكون السبب حاجة تانية غير اللى قالت علية الا ان هى قالت كلمات جميلة قوى "مش مهم ان اكون مطلقة او متجوزة ..المهم ان يكون فى حياتى انسان بيمثل خط الرجعة..خط الدفاع او نقطة الرجوع او الحماية ..ممكن اعيش عادى جدا بس دايما بعملة اعتبار فى حياتى" وكملت وهى بتلفت عشان تنزل من العربية" مافيش حد بعيش من غير ما يغلط او حتى حد يغلط فى حقة......المهم هو نقطة الرجوع " يلا سلام مبسوطة انى شوفتك ..ابقى اتصلى بقى .....فسالتها " رقمك زى ما هو ؟؟ ردت وهى بتضحك وبتبعد عن العربية" طبعا زى ما هو.... مش بقولك نقطة الرجوع.
مشيت و انا بفكر فى اللى قالت علية ..فضلت فترة افكرة عشان افهم تقصد اية بجملتها الاخيرة
و مخبيش عليكم لسة بفكر لحد دلوقتى..حسيت قوى هى بتقصد اية بس مش عارفة اترجم دة لكلمات ..

Friday, April 3, 2009

بعد ما شاب ودوة الكتاب


اول ما ركبت المكيروباص النهاردة لفت انتباهى اتنين رجالة عمرهم بين الاربعين و الخمسين و كانوا عمالين بيتكلموا بصوت عالى و حوارهم كان ملفت للغاية لان السواق كان مشغل الكاست كالعادة طبعا و هما صوتهم برضوا كان اعلى من الكاست..و كان الكلام كالتالى:
الراجل الاول بيقول للتانى " بس بجد حركة بايخة من فاطمة و كريمة يعنى هو احنا مش زمايل لزمتوا اية انهم يخبوا علينا انهم مسافرين..خيـــــــــــابة " والتانى يرد علية" بس احنا هاننجح و هانرجع مجبروين ان شاء اللة .." بالك انت عبد المجيد سقط فى العربى و بيعيد تانى.. مش معقول "
والواد فراج بتاع الاعدادية الحديثة بردوا سقط فى العربى..اوعى تكون نسيت تجيب رقم الجلوس بتاعك ؟؟
لا متاخفش دا انا مجهز كل حاجة من بالليل ..و جايب كمان معاية شوية قراقيش عشان بين الفترتين نبقى نتسلى بيهم
عارف بقى كدة بعد احنا حقنا فى الترقية محفوظ بقى ومحدش هايخد الدور بتاعنا ..ايوة ما الكادر دة على قد ما هو تهزيق بس خلاص اللى هايمتحن هو اللى هايترقى"
واول ما سمعت كلمة السر "الكادر" كنت عايزة اضحك اضحك قوى بس اتكسفت ..مش معقولة دول مدرسين رايحين يمتحنوا الكادر ...بصيت كدة بطرف عينى عشان مايخدوش بالهم ,بجد دى مهزلة عمالين يقروا من ورق معاهم تقريبا زمايلهم اللى امتحنوا قبلهم ادوهم نموذج الامتحان. انا مش ضدد فكرة الكادر بس ماينفعش يا ناس ان نطبق منظومة تقييم الاداء من اخرها واجيب مدرسين عمرهم الدراسى توقف بعد ما اتخرجوا و اتعينوا و بعدين امتحنهم قال اية عشان نشوف ينفعوا يترقوا و تزيد مرتباتهم ولا لا!!
بصراحة الاتنين دول صعبوا عليا حسيت بالاهانة..قوى
بعتذر لكل مدرس كرامتة اتجرحت بسبب سياسة حافظين مش فاهمين

Friday, March 13, 2009

الفقر فى الوطن غربة والغنى فى الغربة وطن



كتير بسال نفسى هو احنا دولة فقيرة ؟! او بمعنى تانى اللى بيقول عليها نامية ؟ الكلمة دى انا بسمعها من 25 سنة ان مصر من الدول النامية . وبالبلدى كدة فقيرة .. بس كان دايما جواى سؤال هو الدول الفقيرة دة بيكون عندها فقر فى الموارد مثلا .. يعنى معندهاش نهر كبير زى نهر النيل ؟ او معندهاش موارد بشرية كتير ؟ وفى الغالب معندهاش علماء بيفكروا؟ طيب لو بلد عندها كل دة تبقى فقيرة .. ولا مش؟
ومرات كتير بتقابل مع مواقف بتخلى فكرة بلد الفقرا دايما قدامى,
مرة صحبتى قالت لى على حوار كان حصل فى الطريق على لسان راجل غلبان بيشكى همة للى قاعد جنبة فى الميكروباص ولانها عارفة انى مهتمة بتجميع الحكايات اللى بصادفنى فى سكة السفر فجات حكت لى الحوار اللى كان بيقولة "الدنيا بقى حالها مقلوب..و الحالة زى الزفت..و اللة يا استاذ انا بجيب الدوا لابنى الصغير الشريط فية حبيتين بـــ100 جنية ..اوة واللة..لما خلاص مش عارف اعمل اية؟؟" "عيشة هباب" والراجل التانى بيرد علية" الصبر ان شاء اللة ربنا يهديك للصبر والثبات ويكتبلك الجنة و يتقل ميزان حسناتك" ..ويكمل الغلبان شكوتة"الصبر..احنا مش لاقين اللقمة وبردوا بنقول الحمدللة..ماقدمناش غيرة نشتكى لة..." وبعد صمت لمدة ثوانى غالبا الراجل الغلبان فكر فى كلام الراجل التانى وراح كمل وقال واللة ياريت الواحد يموت و يستريح حتى اللى مش معاة دلوقتى هايكون معاة فى الاخرة...و بعد راح مكمل بس انا مش ضامن انى هادخل الجنة.. يعنى فى الدنيا عذاب من المناظر اللى بنشوفها واللى راكب عربية و اللى بياكل لحمة كل يوم و بيصرف شمال و يمين و كمان مش اكيد هانتمتع فى الاخرة.....طيب دا كدة ....ربنا ضحك علينا ولا اية؟؟
"احنا اضحك علينا" دى كانت العبارة اللى الراجل فضل يقولها و طبعا اخينا التانى مردش علية خالص.
وفضل يتكلم" هو احنا ربنا هايحاسبنا بنفس الميزان اللى هايحاسب بية الناس الاغنياء؟؟؟" انا اتصدمت بعد ما سمعت الراجل دة بيقول كدة
فعلا الفقر عمل منا اغراب فى بلدنا..الفقر خلا الشباب تركب مراكب الموت و تسمع منهم اللى بيقول " لوعشت هاجيب رزق لاهلى و لو مت يبقى اوسع مكانى فى البيت لاخواتى" معقول فى كدة فقر

Saturday, March 7, 2009

فقر العقــــــــــــــــــــل وفقر الجيـــــــــــــــــــــــب


من خلال شغلى كانت عندى فرصة اشوف فيها المجتمع بتاعتنا من قرب قوى . و المقصود باشوف المجتمع مش ميدان التحرير او ميدان الجيزة و لاحتى المحافظات الكبيرة . انما القرى و المراكز الى بنقول عليها "وتوابعها" لما بنتكلم على محافظة ما مثلا.

والحكاية بتتلخص ان فى بعض الاحيان بننزل نقيس مدى نجاح مشروع على ارض الواقع و لان المصرين اساتذة فى البيانات والارقام و خلافة فا دايما بنبعد عن اللإحصائيات تماما ....لكن بنقيس مدى رضا الناس, بنسأل الناس بشكل مباشر دون الرجوع لقواعد البيانات.

وفى جمعية تنمية مجتمع فى مركز من المراكز التابعة للجيزة كان لينا لقاء مع الناس فى القرية دى. و الحوار بيكون بسيط قوى من غير كلمات كبيرة وكدة... .والاجابة كانت عايزين مخبز عيش ومية شروب نظيفة!!طبعا مش محاتجين نعرف هو السئوال كان اية!!! وبكرة بالنسبة لكم هو اية؟ " بكرة يعنى نكسب لقمة عشنا ونلبس هدمة نظيفة و العيال تبقى مبسوطة"

هو دة كل اللى الناس عايزاة فى قرى مصر كل طموحهم "لقمة العيش" مش معقول فى اى بلد فى الدنيا مسئولية الحكومة اللى فيها هى توفير البنية التحتية والاساسية للناس بالاضافة الى توفير الخدمات الاساسية بشكل محترم مناسب للبشرية. مافيش تعليق غير ان الناس بتفكر مكان الحكومة ..الناس معندهمش مساحة يفكروا فيها فى حياتهم ..الفقر عندنا بقى فقر العقل ..و هو اشد بكتير من فقر الجيب وعلى راى اللى قال ..هو البنى ادام اية غير عقل و شوية حاجات فوق بعضيها !!!

Monday, March 2, 2009

MP3

ما نقدرش ننكر ان فى موجة من الاغانى المعبرة جدا قصدى الغريبة قوى قوى و اسفة فى التعبير لو قلت المنحطة جدا جدا مش عارفة اية العلاقة بين الموصلات العامة و الاغانى الهابطة؟؟؟
كالعادة بعد ما المكروباص بيتحرك لازم السواق يشغل الكاست ..و يا ويلة يا سواد ليلة اللى حظة يجى مع سواق بيحب الاغانى الحماسية اللى بتتكلم عن احوال الدنيا بس بطريقة مش ممكن اى كلمات توصفها و مثلا عمرك سمعت اغنية " محكمة" اللى فيها المطرب بيحكى عن قاعة المحكمة و ازاى ان الناس بتسرق عشان تجوز بناتها و تقتل عشان لقمة العيش....ودة غير صوت المطرب اللى يخلى طبلة ودنك تذن تذن تذن و تسمع هلاوس غريبة نتيجة التوزيع الرائع و المؤثرات الصوتية اللى تهبل. ولا اغنية "مزاجو" ودة مشهورة قوى لانها بتتكلم عن البانجو والسجائر و كمان الاغنية الرائعة "اة يانا تعبانة" ودى فيها عيل صغير بيتكلم عن لبس البنات و الستات اللى بيتعب الشباب و الرجالة ..بصراحة موضوعات فوق الممتاز
بس لسة السؤال دة من غير اجابة واضحة لية دايما سواق المكيروباص بيسمع الكلمات دة؟؟و هو فى غاية الانشكاح و الامبساط؟؟
وفى بعض الاحيان الناس بتصرخ فى السواق"يااسطا شغلنا قران لوسمحت" و دة طبعا اختيار افضل بكتير من الهبل اللى بيكون شغال ولكن للاسف بيكون الرد.."الكاست دة بتاع السواق يا حضرات و مش كل واحد يطلب اللى على مزاجة..واللة اخر زمن دا اية الزباين الغريبة دة" و طبعا بيستمر الطرب الاصيل البشع شغال . وفى سواق بقى معاة ام بى ثرى ..يا بختك بقى لو ركبت معاة...يا خرابى.
و دة حصل معايا...السواق اول ما اتحركنا فضل يقلب فى ام بى ثرى عشان كان بيدور على اغنية معينة و فضل يغير و يسمع و يطلع وينزل بين الاغانى الهايلة اللى تخبل ...تقريبا 45 دقيقة و دة المسافة من ميدان الجيزة لاول طريق المنصورية ..وبعدين هبطت علينا الاغنية اللى هدت الدنيا ..و طبعا مافيش كلام يوصفها . بس الحمد للة انة لقيها عشان يخلى بالة من الطريق و يبطل يلعب فى ام بى ثرى. وفى النهاية الطبيعية بيحصل للسواق طرش و لما الركاب بتقولة عايزين ننزل فى المكان المعين بيكون مش سامع هما عايزين اية و الناس تزعق وهو فى وادى تانى خالص..و لما بيعدى المكان اللى كان عايز حد ينزل فية ...و بيدأ يسمع من بعيــــــــــــــــــد صراخ الركاب ..بيقول اية " فى حد عايز ينزل ..طيب مش بيقول من بدرى لية؟؟ هو كدة ينفع اقف فى وسط الشارع؟؟ ياجماعة كل واحد يخلى بالة مش كدة" طبعا هو هايموت نفسة ولا اية!! .

Sunday, March 1, 2009

معدن ولاورق

مع بداية 2008 هلت علينا شكل جديد لبعض فئات العملات المصرية, اشهر عملتين هما الخمسين قرش والجنية واللى بقى شكلهم مختلف من ورق الى معدن . ودة طبعا اللى عمل طفرة فى عالم تداول العملات المصرية ,ازاى لو انت بتدفع الاجرة مثلا و فاضل باقى جنية او اتنين شوفوا بقى المهزلة" لا انا مش باخذ الفلوس الفضية دى.." دة السواق بيقول للركاب "ياسطى مش معانا غيرها يعنى احنا نرميها فى الشارع؟؟؟
وكلاكيت تانى مرة"لا يا اسطا مش عايزين الفضية دى ياعم ماحدش بيرضى ياخدها منا.. لو احنا اديناهالك كنت هاترضى تاخدها؟؟!!" المرة دى الركاب بقى. فى بعض الاحيان يتطور الحوار الى ان واحد من الركاب بيقول للسواق "احنا نروح قسم الشرطة لان فى قانون بيحاسب اللى مايرضاش يتعامل بالفلوس المعدن دة..قلت اية يا اسطا؟ " "واللة انا معنديش مانع بس الفلوس دى مابتمشيش فى الفيوم الجماعة بتاعوت مصر ممكن يستعملوها!! لقيت نفسى بسال بغض النظر عن استعمال الفلوس المعدن او الورق إنما هو احنا محتاجين قانون يحاسب اللى بيمتنع عن استخدام الفلوس المعدن؟؟؟طيب لية؟ او لية كل دة؟؟
وبالمناسبة ممكن يكون المعدن افضل فى بعض الاحيان لان احنا لا نجيد التعامل مع العملات الورقية وبتعانى معانا... يعنى ممكن تنغسل و تنكوى و كدة يعنى. وفى نفس الوقت الناس رافضة تتعامل بالمعدن لانه ماينفعش نغسلها او نكويها عشان كدة الناس مش مرتاحة تتعامل بيها لانها مكلفة..نظرية برضوا ,

Tuesday, February 24, 2009

تكنولولجيا الكذب..مع الاعتزار للكذب التقليدى

...... انا فى عربية طنطا ...يلا عايزين حاجة" دة كان واحد بيكلم حد فىالموبيل و طبعا احنا مش عربية طنطا ولا حاجة احنا كنا عند منزل ميدان لبنان !!! عادى مثلا تلاقى حد بيقول اية " انا داخل اهووو على رمسيس " بس احنا بنكون عند الكارتة.
" الووووو ايوة يارمضان انا فى إشارة رمسيس اقطع التذاكر و انا قدامى 10 دقايق و اكون فى المحطة" و الظريف ان احنا بنكون عند مدخل 6 اكتوبر!!!!!!!!!!! بعد شوية رمضان قطع التذاكر " الوووو ايوة انت قطعت ..يخرب بيتك انا لسة فى إشارة رمسيس .. اية اللى خلاك تقطع ....و" وبيكمل خناق معاة, مش انت اللى قولت لة يقطع و انت فى رمسيس .. غريب قوى رمضان دة!!!!
وهكذا ...الناس بتتكلم فى الموبيل و كتير قوى بيقولوا حاجات كومديا غير الحقيقة خالص مع ان القصة ماتستهلش التلفيق دة كلة ..يعنى انت لومتأخر ممكون تقول دة بشكل كويس مش زى اللى حصل لرمضان !! ودة مش عشان الناس اللى حواليك سامعين انت بتقول اية , انما على الاقل ما نستشهلش الكدب و الاستخفاف بعقلية اللى بيكلمك لانك ممكن تكون مكانة وحد يضحك عليك كدة بالظبط.
المهم دة موقف حصل معايا و كنت راكبة جنب السواق و من مكالمتين موبيل اكتشفت انة متجوز اتنين او بيحب واحدة و بثبت مراتة ازاى بقى " الوووو ايوة يا سيد ..واللة لسة خارج من العباسية و اتعيشيت ..ايوة عند القمر.. القمر الجديد ..ماشى خلاص سلام عليكو" وبعد شوية رن الموبيل ووشة اتقلب وشكلة مش عايز يرد بس لازم .. " الووو ايوة انا لسة خارج من الميدان .. لا انا اتعشيت نامى انتى انا هااتأخر..يلا بقى الشبكة ساقطة و مش سامع" وقفا السكة
لا تعليق مش كدة
الحمدللة على الموبيلات و بصراحة اصل احنا كنا ناقصين

Sunday, February 15, 2009

ولوكان الجو بتاعى اتأخر كدة دة كنت موتة دا إذا استنيتة اصلا

كنت فى موقف العربيات واقفة مستنية صحبتى اللى بتسافر معايا كل يوم الصبح وعايزة احكى لكم على الكوميديا الاجتماعية اللى بتحصل لما بكون مستنية فى موقف العربيات. كل السواقين لازم يسألونى مجموعة كدة من الاسئلة " انتى مسافرة يا ابلة..رمسيس ولا جيزة..اكتوبر" برد بكل زوق " لا شكرا" بعد دقيتين كدة تلاقى سواق تانى "تعالى يا ابلة العربية دى عايزة نفر واحد "بس" و بكمل بكل زوق"لا شكرا
وبعد خمس دقايق بتصل بصحبتى عشان استعجلها ."يلا بقى تعالى الدنيا زحمة و مش عارفة اقف.. و هى بتقولى واللة العظيم قدامى دقتين و اوصل و بعدين انتى اقفى فى حتة فاضية عقبال ما اوصل" وعايزة اقول لكم حاجة ظريفة قوى, انا فعلا بكون و اقفة فى حتة فاضية بس بقدرة قادر تلاقى ناس جات حواليك و المكان ما بقى فية بشر زى النمل و كلهم عايزين يستنوا فى نفس المكان ...اتحرك شمال او يمين برضوا يروحوا ويجوا معاك مافيش فايدة. و تعليقات بقى " واللة معندوش دم اللى يلطع العسل دة " "اكيد هايجى ياجميل ولو مجاش انا موجود" . دة طبعا فاكرنى مستنى الجو بتاعى مايعرفوش انى مستنية صحبتى .لان هو عندنا ارتباط شرطى ان اى واحدة مستنية فى الشارع طبعا بتكون مستنية الواد بتاعها. ولو بتتكلم فى الموبيل طبعا بتكون بتستعجلة .
المهم صحبتى اتصلت و قالت لى تعالى من الناحية التانية عشان اقرب انا وصلت ..قلت لها لا تعالى عشان الناس تشوفك و تعرفك و يطمنوا على ....انا عارفة انى مش اول واحدة طبعا يحصل لها كدة, بس الغريب انة بقى عادى انة يحصل او بقيت مسلمات فى حياتنا..عادى بقى.

Wednesday, February 11, 2009

رمسيس ب 10 جنية و ممنموع التدخين يا حضرات

دى اخر حاجة بتسمعها قبل الميكروباص ما يتحرك من موقف العربيات الى طريق القاهرة "رمسيس بــ10 جنية و ممنوع التدخين ياحضرات", وبيقولها الراجل اللى بينادى فى الموقف و بعدها بيركب السواق. لحد اللحظة دى بيكون الجو هادى نسبيا الهدؤء الذى يسبق العاصفة كالتالى...واحد من الركاب يكون ماسافرش من حوالى 3 او 4 شهور و طبعا اتفاجأ بالاجرة و يبدا يصرخ فى الركاب كلهم"...اية10اية بتقول 10 جنية لية كانت اخر مرة بــ7 جنية بس يا اسطى ..يا اسطى وطبعا السواق مش بيرد ...و يبدأ واحد تانى فى الصراخ..واللة دة حرام هى تبقى بـــ9 كويس عشان احنا لسة هانخد مواصلة تانية!! و بيستمر السواق فى تجاهلة للمناقشة دى تماما. وكأن الموضوع دة مش بتاعة اصلا. وماخبيش عليكم انا فى الغالب مش بتكلم او اتدخل فى المناقشة دى, لانى عندى رأى ممكن يكون بيزعل الناس شوية, و هو ان المكان الرسمى المخصص للعربيات المكيروباص هو موقف المنيب وفى الحالة دى هاتدفع الاجرة اللى هى 7 جنية من الفيوم لحد المنيب. انما فعلينا فى عربيات بتقدر تقف فى ميدان الجيزة و رميسيس و كمان عند ميدان الرماية ودة طبعا مش ببلاش انما السواقيين بيدفعوا ما يسمى بـ "الارضية" بمعنى اكرامية او بدل واقفة يعنى و مشى نفسك وكدة. و بالتالى بتزيد الاجرة لان السواق بيحسبها ازاى, انة بيدفع دلوقتى, البنزين وصيانة للعربية والكارتة وكمان الارضية. و دة بقى بيت القصيد , احنا رضينا الطريق السهل اللى ها يوصلنالاقرب مكان عاوزينة ..مثلا سلم السودان -ميدان لبنان او الزمالك و هكذا. او شارع الهرم و الجامعة من ناحية تانية .. وهكذا تلاقى نفسك فى دائرة من الحقوق والمتطلبات مالهاش نهاية..........يووووو. انا اتأخرت عليكم و نسيت اقول لكم اخبار الخناقة اللى شغالة من بدرى وصلت لحد فين.. و خلينى اقول لكم ان فى النهاية ممكن تكون فى اتجاة من اتنين, الاول ان مجموعة المعترضين بتنزل و تسيب العربية و دة مش قليل بيحصل و الاتجاة التانى انهم بيرضوا و يدفعوا الــ10 جنية و هما متضايقيين. و فى النهاية بقول للمتضايقيين دول لو ممكن تروح المنيب ماشى اية المانع لكن لواحنا بناخد خدمات مانزعلش من الدفع بقى طالما احنا موافقين علية. نسيت اقول لكم حاجة كمان ان دلوقتى السواق بقى بيحط نصيب الراكب فى دفع غرامات المرور على الاجرة ويلا انشلا ما حد حوش .. .

Tuesday, February 10, 2009

Added Value

النهاردة انا مش هاتكلم عن الحوارات الغريبة اللى بقابلها كل يوم فى رحلة الصباح و المساء. انما المرة دى كنت فى رحلة فى طريقى للبحث عن اصدقاء وهو طريق بردوا مليان بحاجات غريبة جدا . واكيد طبعا قليل قوى من الناس اللى يقدروا يضيفوا قيمة فى حياتنا عشان كدة انا عايزة ابعت شكر كبير جدا لانسان عزيز على قوى قوى, وبرغم ان احنا نعرف بعض من فترة صغيرة الا انة اضاف معانى جميلة و قيمة كبيرة للكلمات بتاعتى البسيطة ودة اللى حصل ....انة بعد ما قرا المواقف اللى بتقابلنى فى سكة سفر.....قال لى " انتى ممكن تضيفى اغنية قريبة توصف المواقف دى" بس طبعا انا خبراتى فى التكنولوجيا مش كبيرة . ولان هو حد شاطر قوى و كمان متخصص فى قصة التكنولوجيا دى فكان لة الفضل فى انة يضيف الاغنية اللى انتوا بتسمعوها دلوقتى.
مبسوطة قوى ان لسة في بشر بقابلهم ممكن يأثروا فى حياتى بالايجاب وهاكون مبسوطة اكتر لما يكون دايما موجود بيلفت نظرى للافضل و كمان بيساعدنى اوصل لية. وبتمنى انى اقدر اضيف قيمة انا كمان.
رغم انك رفضت اضافة اسمك فى البروفيل بس انا دايما هافضل مدينة لك بالاضافة دى

Thursday, February 5, 2009

الاولى والتانية

الساعة تقريبا 8.30 صباحا و بالتحديد بيكون الميكروباص وصل عند منزل ميدان لبنان من على الطريق الدائرى. ودى بداية الحوار اللى بيحصل يوميا بين السواقين و بعضهم فى الموبيل" الوووووو ايوة انت فاااا .. و بيكمل انا فى النزلة الاولنية وانت واقف فاااا ؟؟ انا مش عارف انزل النزلة الاولنية و انزل النزلة التانية ؟؟ انت شوف الظابط فااا فى التانية و لا اةةة؟؟ طيب بص انا هانزل من التانية باين علية واقف فى النزلة الاولنية" و بينتهى الحوار بين السواقين على الموبيل و بعد ما بننزل الحمد للة على حسب مرة من الاولى و مرة من التانية بيحصل اتصال تانى " الووووو ايوة انت فااااا انا نزلت من التانية و الظابط واقف فى الاولنية بص بقى انزل و خلاص ربنا يستر "
و طبعا بنفضل انا وصحبتى نضحك على الحوار الجامد دة كل يوم و السبب طبعا ان سواقين الميكروباص بيتجنبوا لجان المرور اللى مجنناهم و بيطلعوا جنانهم على الركاب طبعا.
و انا بتمنى ان شركات التليفون المحمول تعمل خط خاص لاستقبال حوارت السواقين بخصوص لجان المرور و اكيد الشركات دى هاتبقى كسبانة لان الحوار دة بيحصل فى جميع ساعات النهار و الليل مرة فى الهرم وهما بيسألوا على القوات سريعة الانتشار واقفة عند شارع العريش و لا اية الاخبار و اية مولد وصاحبة غايب و طبعا الميكروباص بيفضل هايم فى شوارع القاهرة الواسعة الفاضية الهادية علشان يوصل بالسلامة بيكون الركاب نسيوا هما جايين لية اصلا
وربنا يخلى لنا الادارة العامة للمرور