سكـــة ســــــــفر: حرية السجن

Friday, May 22, 2009

حرية السجن

مع انى لوحدى بس حسيت انى غريبة فى المكان اللى انا مولودة فية!!!ودة من اية؟....تاهت منى الكلمات وحتى اللمحات اللى بتفكرنى بالشخصيات بالرغم من مايو ....بس حسيت بالبرد من جوة العظم ....بالرغم من الشمس اللى نورها مالى السما و مغطى السحاب ..بس حسيت بالظلام والعتمة سدة الباب..بالرغم من ان الفخ انكسر والعصفور فرش جناحة على القباب الا انى لسة بيحن للقضبان ..والمثل هنا بيقول القط بيحب خناقة...معقول ...دة كلام امثال ..لا دى الحقيقة اللى لازم نشوفها برغم كل الحريات لسة طاير مسجون بيسأل معقول انا شايف السما وبشم الهوا ..طيب لية ؟ طيب لية مش حاسس الحرية و الفرحة اللى مشيت لها مسافات
سمعت الرد من جواى صوت مش عارف بيقول حاجة ..استنوا عايز اسمعنى...بيقولى انت خرجت للنور لكن لسة قلبك جواة الف سور و سور..معلش يا مسكين كلها يومين و تبقى تمام ولو محتاج دواء انا عندى المفيد ..سوكك على قلبك وانساة يعنى هو عملك اية؟
سافر بلاد بعيدة و افرش جناحك فى السمااطلع لفوق واوعى تبص لورا..

No comments:

Subscribe to: Post Comments (Atom)

سكت سفر صغيرة مش كبيرة لكن بالنسبة لى كان الطريق هو الرفيق اللى دايما بيسمع صوت ضحكتى وبيحس بدمعتى. عمرى فى التدوين لا يتعدى السنتين لان فكرة تسجيل المشاهد ابتدت معايا بالرسم قبل الكتابة . لكن مع تغير مكان شغلى وسفرى اليومى الى القاهرة الساحرة ..كنت قدام حقيقة ملحة انى لازم اعبر عن اللى جوايا بطريقة تانية غير الرسم نظرا لضيق الوقت وكانت هى الكتابة. حبيت اكتب اللى بعيشة فى مجتمعى واللى كتير بحس انى غريبة عنة وكأنى بتفرج على فيلم فى السيما. حسيت انى عايزة اكتب عن نقاط تحول فى حيانى كانت نتيجة للسفر و الاختلاط بثقافات مختلتفة حتى داخل نفس المجتمع. حبيت اكتب عنى وعنك ....... واكتب سكة سفر

يقول جبران خليل جبران
البعض نحبهم لكن لانقترب منهم ........ فهم في البعد أحلى وهم في البعد أرقى .... وهم في البعد أغلىى
والبعض نحبهم ونسعى كي نقترب منهم ونتقاسم تفاصيل الحياة معهم ويؤلمنا الابتعاد عنهم ويصعب علينا تصور الحياة حين تخلو منهم.
والبعض نحبهم ونتمنى أن نعيش حكاية جميله معهم ونفتعل الصدف لكي نلتقي بهم ونختلق الأسباب كي نراهم ونعيش في الخيال أكثر من الواقع معه
والبعض نحبهم لكن بيننا وبين أنفسنا فقط فنصمت برغم الم الصمت فلا نجاهر بحبهم حتى لهم لان العوائق كثيرة والعواقب مخيفه ومن الأفضل لنا ولهم أن تبقى الأبواب بيننا وبينه مغلقه...
والبعض نحبهم فنملأ الأرض بحبهم ونحدث الدنيا عنهم ونثرثر بهم في كل الأوقات ونحتاج إلى وجودهم ....كالماء ..والهواء ونختنق في غيابهم أو الابتعاد عنهم والبعض نحبهم لأننا لا نجد سواهم وحاجتنا إلى الحب تدفعنا نحوهم فالأيام تمضي والعمر ينقضي والزمن لا يقف ويرعبنا بأن نبقى بلا رفيق .
والبعض نحبهم لان مثلهم لا يستحق سوى الحب ولا نملك أمامهم سوى أن نحب فنتعلم منهم أشياء جميله ونرمم معهم أشياء كثيرة ونعيد طلاء الحياة من جديد ونسعى صادقين كي نمنحهم بعض السعادة
والبعض نحبهم لكننا لا نجد صدى لهذا الحب في قلوبهــم فننهار و ننكسر و نتخبط في حكايات فاشلة فلا نكرههم ولا ننساهم ولا نحب سواهم ونعود نبكيهم بعد كل محاوله فاشلة ..
والبعض نحبهم .. .. ويبقى فقط أن يحبوننا.. .. مثلما نحبهم