المشعد الاول: الطريق من الزمالك لميدان الجيزة و دة طريق معروف انما الجديد النهاردة ان عند مديرية امن الجيزة الطريق اخد شكل دانى و لقيت فى ظباط المرور واقفين و الركاب بدأوا يسالوا فية اية يااسطى هى الدنيا واقفة كدة لية؟؟؟ فى الاول قلنا دى اكيد لجنة مرور وبعد شوية جاء الجواب الشافى الوافى...مافيش عربيات ميكروباص هاتعدى من هنا !!!لية ياباشا هو فية اية؟ اصل الجامعة بتتسلم لحراسة ....عشان اجراءات الامن اللازمة لخطاب اوباما .....طيب الحمدللة انها جات على اد كدة واحنا هانمشى من هنا امتى؟؟ محدش عارف واللة !! انا بقول نمشى على رجلينا احسن دى حتى نعمة ربنا انعم علينا بيها !!شارع ميدان الجيزة بقى شكلة مختلف تماما ..اية دة حسيت انى ماشية فى الشانزليزية مع انى مارحتش باريس قبل كدة بس شوفتعا فى الصور..عايزة اقولة شكرا يا اوبامــــــــــــــــــــــــــــا خلتنى اشوف الشانزلزية بجد
المشهد التانى : بفكر اخد اجازة اليومين اللى الجايين عشان الدنيا مقلوبة دة الحوار اللى كان بينى و بين زميلى فى المكتب ولان مديرتى ايطالية ماكنتش مدركة اية علاقة خطاب اوباما بالاجازة و افتكرت انى عايزة اقعد فى البيت عشان اسمع الخطاب دة .....مسكينة قوى..قلتلها لا انا عيزة اخد اجازة عشان الدنيا كلها من شوارع وداخل و مخارج هاتكون واقفة على رجل ودة هايخلى اللى عايز ينزل من بيتة و يروح شغلة يفكر 1000 مرة قبل ما يعمل كدة. الست برضوا مش فاهمة طيب لية هما ممكن يعملوا شاشات عرض كبيرة فى ميدان الجيزة و قدام باب الجامعة الرئيسى و الناس كلها تشوف الخطاب ..زى بابا الفاتيكان كدة لما بيكلم الناس فى ايطاليا. مش بقوللكم مسكينة قوى الست الايطالية دة.
قلتلها انا مش بتكلم على الزحمة اللى الناس هاتعمملها انا بتكلم على الامن اللى هايحاصر كل الشوارع و يقفل الدنيا عشان يأمن الجامعة و وصول الرئيس الامريكى و اللى معاة و كمان خروجهم بعد الخطاب بالسلامة. لقيت فى عنيها سؤال..... بس قبل ما تسألة قلت لها ماشى كدة انا بقى اجازة يوم الخميس ..
1 comment:
موضوع الأجازة في زيارة أوباما ممكن يكون إشاعة ، ويمكن نلاقي البلد عادية جدا ومش محتاجة إن الواحد يقعد في البيت.
بس أنا كل الي مدايقني إن البلد دي مش بتنضف عشان أهلها
كتبت موضوع كدع عن جامهة القاهرة وإزاي حينضفول الحمامات بتاعة المجمع بمناسبة زيارة أوباما، موضوع يحزن والله إن النضافة تكون بسبب زيارة لمصر مش لأهل مصر ولا نظافة الجامعة لطلبة مصر.
Post a Comment