دايما بسمع ان ايام الاعياد ..الناس بتكون مستنيها ... يشوفوا بعض, الاهل والاقارب بقى..وتجمعات.واللى مسافر والبعيد يقرب ..
بس بالنسبة لى مش بكون مستنية اللمة دى..يمكن غريبة مش دة!!غير كل الناس يعنى انا اللى لازم اتغير!! مش حد تانى..لازماكون بحب لمة العيلة وافرح قوى كمان واستناها من العيد للعيد!!
بس انامش بحب التجمعات اللى فيها الاهل والاقارب....لان بكل صراحة مافيهاش حاجة غير الكلام وخلاص وكلة بيتكلم على كلة,والفضول اللى بيقتل دة والاسئلة اللى فكل التفاصيل طبعا...مش عارفة ...بس على مستوى اسرتى الصغيرة..احنا بنتكلم قليل ومش بنسأل كتير..عشان كدة بنكون فريسة سهلة للحوارات العائلية......مسكينة امى..لما بيستلموا دماغهاوودانها وهات ياكلام..ولا بابا..اخر لما بيزهق.... تلاقية بيجاوب ايجابات غير منطقية..بحس ان احنا مش من هنا...اقصد العالم دة!! المهم انى بحضر نفسى عشان اعدى يوميين العيد دول على خير من غير ما اتهور وارد رد بسيط على مجموعةالاسئلة واقول "مالكوش دعوة وكل واحد يخلية فى حالة" مش متخيلة لو قلت كدة ممكن يكون رد الفعل اية؟؟؟..اكيد مش مساوى فى المقدار بس اكيد مضاد فى الاتجاة....والنتيجة اللى وصلتلها.. ان المختلف هو اللى يبعد....خلاص يبقى انا اللى ابعد عن التجمعات دى لانهم مش هايتغيروا ومن وجة نظرهم ان المختلف دايما هو اللى الغلط علية , سياسة القطيع يعنى..واللى مش معانا يبقى علينا.
ولان حياتى هى من اخيارى ..انا اللى هاعيشها واتحاسب عليها يوم القيامة!! يبقى كثيرا تكلمت وندمت اما عن الصمت فلم اندم ابدا..الصمت اللى ممكن يغير ...بس قررت اكون نفسى مهما كانت الظروف
No comments:
Post a Comment