Pages

Friday, April 27, 2012

كيف تحارب الطاقة السلبية المتولدة من اللقاءات العائلية

بعتبر نفسى من الشخصيات المستقلة لحدما والالتزامات العائلية بتتلخص فى التزامى بحضرة ابى وامى فقط
ومازاد عن ذلك فهو من الشرير....
 وبكون مضطرة لقضاء ساعات وساعات مع ناس من العائلة مرة او مرتين فى السنة وتحديدا فى وقت الاعياد
ونظرا للاختلافات الشديدة بين تلك الاجيال والفارق مش الزمنى ولكن الفارق العقلى
فبحس ان فى الة الزمن
برجع فيها للقرون المظلمة اللى لسة فية الناس بتشرب قزازة الدوا كلها عشان تخف بسرعة
والستات بتجيب فية فى سير كل الناس اللى عايشين واللى ميتين
والناس لسة بتتباها بكثرة الانجاب ويسلام لو بقت خلفتها كلها صبيان
يالهوى مرار طافح
المهم فكرت ان يكون فى خاصية تسرع الوقت الغير مرغوب فية
فمثلا تدوس على زر يخلى المواقف والحاجات تمر بسرعة يعنى الموقف اللى بياخد ساعة ياخد ثانية
الله الفكرة دى عجبتنى قوى وعايزة اعملها
وقيس بقى فترات اللى بنقضيها مع ناس غير مرغوب فيها او مواقف غلسة تمر عليك بسرعة البرق
ويسلام بقى لو فى زر تانى يبطىء الوقت الحلو واللحظات اللى مش بنكون عايزينها تمر تبقى حاجة لوز اللوز
وحيث ان الاختراع دة هايخد وقت مش عارفة هايكون قد اية واكيد هاتقابل مع الفاموليا تانى وتالت ورابع ففكرت فى حلول مؤقتة
وهنا قررت تلك الخطوات للتخلص من الطاقة السلبية اللى فى اللقاءات العائلية:
  1. اول حاجة تعملها ان تتظاهر باللا مبلاة
  2. تانى حاجة ارسم ابتسامة عبيطة على وشك ولا يهمك اللى بيتقال حواليك خالص انت اصلا مش من هنا
  3. تخيل نفسك فى فيلم واتفرج على الناس بانبهار
  4. كل ونام وشخر
  5. ادخل العالم الافتراضى وتويت وفيسبوك
واول ما ترجع البيت خد دش واخرج اشرب قهوة
واشكر ربنا انك لسة عايش ومجاتلكشى ازمة

1 comment:

Mohammad said...

سبحان الله كنت بعمل كدة بالظبط لحد ما ربنا فرجها وسبت البلد... والله من أكبر الأسباب أني كنت عايز أهرب من المواقف دي. وبقالي سنة ومصر ما وحشتنيش خالص عشان عارف اللي مستنيني لو رجعت.