كل يوم تقريبا بسافر حوالى اربع ساعات هى اجمالى المسافة من بتنا حتى مكان شغلى , و العودة المهم خلال المدة دى بقابل ناس كتيرة جدا واصناف و الوان من البشر كلهم بتكلموا وبيحكوا فى كل حاجة فى حياتهم ..الناس بتستغل فترة الموصلات بشكل غريب جدا .. فى الحكاوى بصوت عالى جدا و المفروض انى لازم اسمعهم غصب عنى .. واللى بينام من كتر التعب ..وباشوف حاجات اغرب.. عشان كدة لقيت انى قدام فيلم سنما والعرض مستمر ...ولقيتنى بعيش فى بلد و بشتغل فى بلد تانى وفى الاربع ساعات دول بحس ان انا فى خمس بلاد!!!! كوميديا و تراجيديا على الاخر.. ولكنى قررت ان استفاد من سكة السفر وماتبقاش وقت ضايع و السلام.
دة اصل القصة و سكة السفر ,لانى فى نفس الوقت متأكدة ان حياتى فيها محطات كتيرة زى كتير من الناس .. يمكن مش مؤثرة فى الكون ولا بتغير الموازين . لكن بالنسبة لى كان مهم اقف وانا فى الطريق عشان اعرف انا فين و الخطو اللى جاية هاتكون اية؟؟
دة اصل القصة و سكة السفر ,لانى فى نفس الوقت متأكدة ان حياتى فيها محطات كتيرة زى كتير من الناس .. يمكن مش مؤثرة فى الكون ولا بتغير الموازين . لكن بالنسبة لى كان مهم اقف وانا فى الطريق عشان اعرف انا فين و الخطو اللى جاية هاتكون اية؟؟
No comments:
Post a Comment